14.12.2024 | 19:57
Ինչ իրավիճակ է ճանապարհներին 19։35-ի դրությամբ
Հրդեհ՝ «Ուրարտու» խանութում․ հայտարարվել է հրդեհի բարդության «1 ԲԻՍ» կանչ
25.08.2022 | 09:57
Օգոստոսի 25-ին, ժամը 04։14-ին «ՍՕՍ ՍԻՍԹԵՄՍ» հակահրդեհային ազդարարման համակարգով ահազանգ է ստացվել Ճգնաժամային կառավարման ազգային կենտրոն՝ Երևանի Երվանդ Քոչարի փողոցի «ՈՒՐԱՐՏՈՒ» խանութից։
Հրդեհի բարդության «1 ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, մեկ ջրատար, Հրդեհաշիջման և փրկարարական աշխատանքների կազմակերպման բաժնի և Բժշկական ապահովման վարչության հերթապահ խմբերը։
Հրդեհը մեկուսացվել է ժամը 05։47-ին, մարվել՝ 06։21-ին։
Այրվել են խանութի պահեստային հատվածի տանիքը (մոտ 140 քմ) և ներսում պահեստավորած տնտեսական ապրանքներ՝ մասամբ (մոտ 150 խմ): Կանխվել է հրդեհի տարածումը առաջին հարկի խանութ և երկրորդ հարկի մարզասրահ:
