13.01.2026 | 16:48
Իրանցի պաշտոնյան հայտարարել է անկարգությունների ընթացքում շուրջ 2000 զոհի մասին
ՀՀ պետական պարտքն աճե՞լ է, թե նվազել․ դրամային և դոլարային տվյալները միմյանց հակասում են
Տնտեսություն
23.08.2022 | 18:45
ՀՀ պետական պարքն այս տարվա հուլիսին կազմել է շուրջ 9,9 մլրդ դոլար։ Այս մասին Factor.am-ը տեղեկանում է Ֆինանսների բնախարարության հրապարակած տվյալներից։ Տարեսկզբին այն դոլարային արտահայտմամբ 9,2 մլրդ դոլար է եղել, այսինքն՝ հուլիսին տարեսկզբի համեմատ այն աճել է շուրջ 749 մլն դոլարով կամ 8․1 %-ով։ Սրանից շուրջ 9,4 մլրդ դոլարը Կառավարության պարտքն է, 547 մլն դոլարը՝ Կենտրոնական բանկինը։ Նշենք, որ դրամային հաշվարկով հակառակ պատկերն է։ Այս տարվա հուլիսի վերջի դրությամբ ՀՀ պետական պարտքը կազմել է 4 տրիլիոն 66 մլրդ դրամ։
Այսպիսով՝ դրամային արտահայտմամբ տարեսկզբի համեմատ ՀՀ պետական պարտքը նվազել է շուրջ 363 մլրդ դրամով։ Այս հակասությունը կապված է ռուս-ուկրաինական պատերազմի ֆոնին դոլարի փոխարժեքի կտրուկ նվազման հետ։ Եթե դեկտեմբերի 31-ին, ԿԲ-ի տվյալներով, 1 դոլարն արժեր 480 դրամ, ապա այսօր այն 404 դրամ է։ Նշենք, որ այսօր ԱԺ «Քաղաքացիական պայմանագիր» խմբակցության պատգամավոր, Ֆինանսավարկային և բյուջետային հարցերի մշտական հանձնաժողովի նախագահ Գևորգ Պապոյանն իր ֆեյսբուքյան էջում գրառում էր կատարել՝ նշելով, որ ՀՀ պետական պարտքը նվազել է 8,2 %-ով։
Պատգամավորը, սակայն, հրապարակել է միայն պետական պարտքի չափը դրամային արտահայտմամբ։
Անժելա Պողոսյան
