02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
«Հայաստանը երեք ճանապարհ է առաջարկում Ադրբեջանին, ո՞րն է նոր անցակետերի ստեղծման պատճառը»․ ՈւՂԻՂ
Քաղաքականություն
23.08.2022 | 11:13
ՀՀ Ազգային անվտանգության ծառայությունն իրավական ակտերի նախագծերի միասնական կայքում օգոստոսի 18-ին շրջանառության մեջ էր դրել նախագիծ, որով առաջարկում է անցակետեր տեղադրել Հայաստան-Ադրբեջան պետական սահմանի երեք հատվածներում:
Նախագծի ընդունման դեպքում, անցակետեր կտեղադրվեն Սոթք-Քարվաճառ, Երասխ-Սադարակ և Քարահունջ-Ղուբաթլու հատվածներում: Շրջանառվող նախագիծը, համաձայն փորձագետների գնահատականի, վկայում է այն մասին, որ Հայաստանը փաստացի մերժում է Ադրբեջանի`«Զանգեզուրի միջանցք» տրամադրելու պահանջը: Փոխարենը Երևանը պատրաստ է երեք ճանապարհ տրամադրել Ադրբեջանին՝ կապվելու Նախիջևանի և Թուրքիայի հետ:
Այլ հարց է, կօգտվեն Հայաստանի առաջարկից Բաքուն ու Անկարան, թե կդիմեն ուժային մեթոդների, ճնշումների` Հայաստանին «Զանգեզուրի միջանցք» պարտադրելու նպատակով: Մյուս կողմից, եթե անգամ Բաքուն ու Անկարան համաձայնեն Երևանի առաջարկած տարբերակին, հարց է` ինչպե՞ս են գործելու այդ ճանապարհները, ի՞նչ վերահսկողության ռեժիմով, ո՞վ է իրականացնելու այդ վերահսկողությունը, արդյոք դրանք լինելո՞ւ են միայն տարանցիկ նշանակության:
Այս հարցերի շուրջ է «Հոդված 3» ակումբում մեկնարկած քննարկումը, որին մասնակցում են «Անի» հետազոտական կենտրոնի համակարգող, պատմության հետազոտող Թաթուլ Հակոբյանը, քաղաքագետ Տիգրան Գրիգորյանը և Միջազգային ճգնաժամային խմբի փորձագետ Օլեսյա Վարդանյանը։
