22.01.2026 | 10:49
Հայաստանի հավաքականն ընկերական հանդիպում կանցկացնի Բելառուսի հետ․ աղբյուր
Թուրքական լիրան արժեզրկման նոր ռեկորդ է սահմանել
Տնտեսություն
21.05.2018 | 12:15
Վերջին շրջանում դոլարի և եվրոյի նկատմամբ անընդհատ անկումներ գրանցող թուրքական լիրան մայիսի 21-ին պատմական ռեկորդ է գրանցել. տեղեկացնում է ermenihaber-ը:
Մայիսի 21-ի առավոտյան թուրքական բորսաներում գործարքները կատարվել են 1 դոլարը 4.53 լիրա հարաբերակցությամբ, իսկ 1 եվրոն՝ 5.32 լիրա հարաբերակցությամբ։
Դրա վերաբերյալ «Moody’s Investor Service» միջազգային գործակալությունը զեկույց է պատրաստել, որտեղ խոսվում է Թուրքիայի՝ անկում ապրող տնտեսության մասին։
Նշվել է, որ թուրք ղեկավարները վարում են ֆինանսական անարդյունավետ քաղաքականություն, ազգային արժույթն անկում է ապրում, բարձր է մնում գործազրկության մակարդակը: Այս և մի շարք այլ գործոններից ելնելով՝ «Moody’s Investor Service»ի Թուրքիայի վերաբերյալ կանխատեսումները բացասական են։
Թուրքական և մի շարք այլ կազմակերպությունն էլ նշում են, որ թուրքական լիրայի արժեզրկման մյուս պատճառներից է Թուրքիայի շուրջ ստեղծված քաղաքական իրավիճակը։
