19.08.2026 | 10:58
Ռուսական զորքերը հարվածել են Զապորոժիեին․ մեկ մարդ զոհվել է, յոթը՝ վիրավորվել
Հնդկաստանում սողանքներն ու ջրհեղեղներն ավելի քան 50 մարդու կյանք են խլել. ԼՈւՍԱՆԿԱՐՆԵՐ
Քաղաքականություն
21.08.2022 | 17:05
Հնդկաստանի արևելյան և հյուսիսային նահանգներում սողանքների և ջրհեղեղների հետևանքով զոհվել է առնվազն 50 մարդ, հաղորդում է «Ռոյթերս» գործակալությունը։
Վերջին երեք օրվա ընթացքում հորդառատ անձրևները Հնդկաստանի հյուսիսային և արևելյան նահանգներում ջրհեղեղների ու սողանքների պատճառ են դարձել: Բնական աղետները հարյուրավոր գյուղերի տներ են ավերել, և այդ ամենի հետևանքով բնակչությունը մնացել է բաց երկնքի տակ։
Իրավիճակը հատկապես ծանր է Հնդկաստանի հյուսիսում գտնվող Հիմչալ Պրադեշ նահանգում, որտեղ սողանքների և ջրհեղեղների հետևանքով զոհվել է 36 մարդ։ Հարևան Ուտարախանդ նահանգում 4 մարդ է զոհվել, 13-ը` անհետ կորել:
Հնդկաստանի արևելյան Օդիշա և Ջարխանդ նահանգներում հորդառատ անձրևների հետեւանքով զոհվել է առնվազն 15 մարդ։
Ջրհեղեղների և սողանքների հետևանքով ավելի քան 800 հազար մարդ ստիպված է եղել լքել իրենց տները։ 120 հազար մարդ տեղափոխվել է ապաստարաններ։
