14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Եվս մեկ խոշոր ավտովթար Թուրքիայում․ բեռնատարը մխրճվել է մարդաշատ սրճարանի մեջ․ կան տասնյակ զոհեր․ ՏԵՍԱՆՅՈւԹ
Քաղաքականություն
21.08.2022 | 13:05
Այսօր Թուրքիայում ևս մեկ խոշոր վթար է տեղի ունեցել։
Մարդին նահանգում խափանվել են բեռնատարի արգելակները, և վերջինս բախվել է երկու մեքենայի, ապա՝ մխրճվել սրճարանի մեջ, որտեղ մարդիկ են եղել։
Նախնական տվյալներով՝ զոհվել է 16 մարդ, ևս 30-ը տարբեր աստիճանի վնասվածքներ են ստացել, նրանցից 8-ի վիճակը ծայրահեղ ծանր է։
Ավելի վաղ ավտովթար էր տեղի ունեցել Տրապիզոնում, որի հետևանքով 23 մարդ էր տուժել, ադ թվում՝ զբոսաշրջիկներ։
Թուրքիայի իշխանությունները կիրակի օրը հետաքննել են վթարները, որոնց հետևանքով նախորդ օրը զոհվել է առնվազն 35 մարդ, գրում է Abcnews-ը։
Երեկ տեղեկացրել էինք նաև, որ Տարսուս-Ադանա-Գազիանթեփ ավտոմայրուղու Նիզիփ կոչվող հատվածում մարդատար ավտոբուսը բախվել էր տարածաշրջանում կայանված շտապօգնության մեքենային և հրշեջ մեքենային, ինչպես նաև «Իխլաս» լրատվական գործակալության ուղիղ հեռարձակման ավտոմեքենային։
