09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Վաշինգտոնում Թուրքիայի դեսպանի հետկանչը չի ազդի թուրք-ամերիկյան հարաբերությունների վրա
Քաղաքականություն
18.05.2018 | 19:34
ԱՄՆ պետքարտուղարության խոսնակ Հիթեր Նոյերթը հայտարարել է, որ Վաշինգտոնում Թուրքիայի դեսպանի հետկանչը չի ազդի թուրք-ամերիկյան հարաբերությունների վրա. փոխանցում է ermenihaber-ը:
Վաշինգտոնում կայացած մամուլի ասուլիսի ժամանակ անդրադառնալով դեսպան Սերդար Քըլըչի՝ Թուրքիա վերադառնալու փաստին, Նոյերթը մասնավորապես ասել է․
«Մենք գիտենք, որ Թուրքիան հետ է կանչել իր դեսպանին և ընդունում ենք, որ Թուրքիան նման իրավունք ունի։ Սակայն չեմ կարծում, որ այդ հանգամանքը կարող է ազդել թուրք-ամերիկյան հարաբերությունների վրա։ Թուրքիան շարունակում է լինել ՆԱՏՕ-ի կարևոր գործընկերը և մենք էլ անհամբերությամբ սպասում ենք Թուրքիայի կառավարության հետ ապագա երկխոսություններին»։
Անդրադառնալով Թուրքիայի և ԱՄՆ-ի միջև Մանբիչի վերաբերյալ նախնական պայմանագրի ստորագրման վերաբերյալ հարցին՝ խոսնակը նշել է, որ այդ առումով բանակցությունները դեռևս շարունակվում են և որևէ վերջնական արդյունք առայժմ չկա։
Պետքարտուղարության խոսնակն անդրադարձել է նաև Թուրքիայում ահաբեկչական խմբավորում համարվող Գյուլենական համայնքին (FETÖ) անդամակցության մեջ մեղադրանքով կալանավորված ամերիկացի քահանա Անդրեյ Բրունսոնի խնդրին։ Նա նշել է, որ նախագահ Թրամփը, պետքարտուղարությունն ու կոնգրեսը ուշադրությամբ հետևում են այս հարցի զարգացումներին։ «Թուրք պաշտոնյաների հետ մեր ունեցած յուրաքանչյուր երկխոսության ժամանակ քահանա Բրունսոնի հարցը բարձրացվում է», -ընդգծել է նա։
