Հասարակություն
15.08.2022 | 12:12Օգոստոսի 14-ին, ժամը 13։23-ին Ճգնաժամային կառավարման ազգային կենտրոն ահազանգ է ստացվել, որ «Սուրմալու» առևտրի կենտրոնում տեղի է ունեցել պայթյուն։
Հրդեհաշիջման ու որոնողափրկարարական աշխատանքները շարունակվում են։
«Գիշերն այստեղ շատ քիչ մարդ է եղել, ընդամենը մեկ տեխնիկա է աշխատել: Որ այնքան փրկարար լիներ, ինչքան որ հիմա կա, արդեն վիրավորներին ու կորածներին գտած կլինեին»,- այս մասին լրագրողների հետ զրույցում նշեց անհետ կորածների հարազատներից մեկը՝ Վանիկ Կարապետյանը:
Նրա խոսքով՝ իր անհետ կորած հարազատը հղի կին է, որը 5-ամյա որդու և քրոջ հետ եկել էր «Սուրմալու» նորածնի համար շորեր գնելու:
Կարապետյանը պատմեց նաև, որ առևտրի կենտրոնի աշխատակիցներից մեկն ասել է, որ փլատակներից օգնության ձայն է լսել. մի կին ասել է, որ հղիի ու մի երեխայի հետ նկուղային հարկում են։ Դրանից հետո կապը կորել է, այլևս որևէ տեղեկություն չունեն։
Մանրամասները՝ տեսանյութում:
