05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
«Ոչ մի ազգի մեջ «պանդխտության գեն» չկա». ապաքաղաքական զրույց Հարություն Խաչատրյանի հետ. ՏԵՍԱՆՅՈՒԹ
Հաղորդաշարեր
13.08.2022 | 21:02
Factor TV-ի A-politic հաղորդաշարի հյուրն է կինոռեժիսոր Հարություն Խաչատրյանը: Նրա վերջին ֆիլմերը նվիրված են մեր հասարակության ամենացավոտ խնդիրներից մեկին՝ արտագաղթին: Այդ ֆիլմերը նկարահանվել են մի քանի տասնամյակների ընթացքում և ներկայացնում են մարդկային ճակատագրեր՝ իրենց դրամատիկ վայրիվերումներով: Կինոռեժիսորը չունի արտագաղթի պատճառների մասին հարցի վերջնական պատասխանը, բայց առաջարկում է հանդիսատեսին՝ միասին մտածել դրա մասին: Համենայնդեպս՝ նա վստահ է, որ պանդխտությունը, օտար ափերում հայտնվելը ճակատագիր չէ և պայմանավորված է այս կամ այն ազգի պատմության մեջ տեղ գտած հանգամանքներով:
Ինչպե՞ս է ռեժիսորն ընտրում իր հերոսներին: Նրա համար կարևոր է, որ մարդիկ ասելիք ունենան: Դա կարող է լինել ճիշտ կամ սուտ, անկեղծության կամ խորամանկության դրսևորում, բայց բոլոր դեպքերում այդ մենախոսություններով բացահայտվում է մարդկանց ցավը, հաճախ՝ նրանց ցասումը կամ անզորությունը: Հեղինակը չի միջամտում այդ մենախոսություններին, չի ձգտում անպայման իր վերաբերմունքն արտահայտել ծավալվող իրադարձությունների հանդեպ՝ հնարավորություն տալով հանդիսատեսին անել իր սեփական եզրակացությունները:
Հաղորդման հյուրը համամիտ է այն պնդման հետ, որ մոտակա տարիներին Հայաստանում զարգանալու է փաստավավերագրական կինոն: Նրա կարծիքով՝ կա գեղարվեստորեն մատուցած ճշմարիտ պատմությունների պահանջարկ: Ընդհանրապես, Հարություն Խաչատրյանի կարծիքով, այսօր մեր հասարակությունն անկեղծության, բաց և ազնիվ խոսակցության կարիք ունի:
Մանրամասները՝ տեսանյութում:
