16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Սեպտեմբերից հաշմանդամություն ունեցող ցանկացած երեխա կարող է մանկապարտեզ հաճախել․ փոխնախարար. ՏԵՍԱՆՅՈւԹ
Հասարակություն
12.08.2022 | 12:52
Հայաստանում կա 196 հազար հաշմանդամություն ունեցող անձ: Վիճակագրական վերջին տվյալների համաձայն՝ Հայաստանի աշխատաշուկայում ընդգրկված է շուրջ 27 հազար հաշմանդամություն ունեցող անձ:
Նրանցից շատերի համար գործատուներն արդեն իսկ կատարել են աշխատանքի պայմանների խելամիտ հարմարեցումեր: ՀՀ կառավարությունը օրենսդրական պահանջ է դարձնում գործատուների կողմից հաշմանդամություն ունեցողների համար խելամիտ հարմարեցումն ապահովելը: Այսօր հրավիրված ասուլիսում այս մասին հայտնեց ՀՀ աշխատանքի և սոցիալական հարցերի նախարարի տեղակալ Տաթևիկ Ստեփանյանը տեղեկացնելով, որ նոր կարգավորումներն ուժի մեջ են մտնելու 2023 թվականի հունվարի 1-ից:
Փոխնախարարի խոսքով՝ վերջերս ընդունված «Հանրակրթության մասին օրենքում» ներդրվել է հստակ սահմանված դրույթ խելամիտ հարմարեցումների վերաբերյալ, ինչը մինչ օրս կրթական համակարգից բացակայել է:
«2022 թվականի սեպտեմբերի 1-ից ՀՈԱԿ-ները ֆինանսավորվելու են, որպեսզի ցանկացած հաշմանդամություն ունեցող երեխա կարողանա մանկապարտեզ հաճախել, պետությունը ստանձնել է կրել դրա արդյունքում առաջացած ֆինանսական բեռը»,- նշեց Ստեփանյանը:
Մանրամասները՝ տեսանյութում:
