02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Թուրքիան ցանկանում է ռուսական գազի մի մասի համար վճարումներն անել լիրայով
Քաղաքականություն
11.08.2022 | 22:37
Թուրքիայի էներգետիկայի և բնական պաշարների նախարար Ֆաթիհ Դյոնմեզը հայտարարել է, որ կա սկզբունքային պայմանավորվածություն՝ Անկարայի կողմից ռուսական գազի դիմաց ռուբլով վճարելու վերաբերյալ, գրում է ՌԻԱ Նովոստին։
Թուրք նախարարը նշել է, որ առաջիկայում ժամանակացույցի ու գների հետ կապված իրավիճակը կհստակեցվի։
«Այո՛, երկրների առաջնորդները սկզբունքային համաձայնություն են ձեռք բերել։ Հիմա մենք նաև քննարկում ենք տարանցման որոշ մասի համար թուրքական լիրայով վճարման հնարավորությունը։ Առաջիկայում վերջնականապես կհստակեցվի ժամանակացույցը, գներն ու ամբողջ գործընթացը»,- ասել է Դյոնմեզը։
Հիշեցնենք, որ օգոստոսի 5-ին Սոչիում կայացած ՌԴ նախագահ Վլադիմիր Պուտինի ու Թուրքիայի նախագահ Ռեջեփ Թայիփ Էրդողանի հանդիպումից հետո ՌԴ փոխվարչապետ Ալեքսանդր Նովակը հայտնել էր, որ կողմերը ռուբլով մասնակի վճարման վերաբերյալ պայմանավորվածություն են ձեռք բերել։
Էմմա Չոբանյան
