16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Մոլդովայում երաշտի պատճառով արտակարգ դրություն է սահմանվում
Քաղաքականություն
03.08.2022 | 23:16
Մոլդովայի գյուղատնտեսության նախարար Վլադիմիր Բոլեան հայտարարել է, որ երաշտի պատճառով երկրում էկոլոգիայի ոլորտում արտակարգ դրություն է մտցվելու։ Այս մասին հայտնում է Newsmaker-ը։
Նա նշել է, որ երաշտը գյուղատնտեսության համար ստեղծում է արտակարգ իրավիճակ, նման ռեժիմի ներդրումը կհեշտացնի գյուղացիների համար ջրավազանների ջրի հասանելիությունը։
Նախարարի խոսքով՝ այժմ Դնեստրում ջրի մակարդակը կազմում է բազմամյա ցուցանիշների միջին ամսականի 30-40%-ը (դեղին ծածկագիր), Պրուտում՝ 15-30%-ը (նարնջագույն ծածկագիր), մի շարք փոքր գետերի պարագայում՝ 10-20%-ը, իսկ առանձին փոքր գետերի՝ ամսական բազմամյա միջինների մինչև 10%-ը (կարմիր ծածկագիր)։ Նվազել է նաև ստորերկրյա ջրերի մակարդակը, որից կախված է արտեզյան հորերի ջուրը։
Տաթև Ֆռանգյան
