28.06.2026 | 05:30
ԱԱ-2026. Պորտուգալիան չհաղթեց Կոլումբիային ու փլեյ-օֆֆ դուրս եկավ երկրորդ տեղով. ՏԵՍԱՆՅՈՒԹ
Էրդողանի վաղեմի աջակից գործարարը, հեռանալով իշխող ուժից, միացել է նեոազգայնական կուսակցությանը
Քաղաքականություն
02.08.2022 | 22:29
Թուրքիայի առևտրային և ռազմական մեքենաների խոշորագույն արտադրող BMC-ի սեփականատեր, երկրի նախագահ Ռեջեփ Թայիփ Էրդողանի ամենասերտ աջակից Էթհեմ Սանջակը Էրդողանի «Արդարություն և զարգացում» կուսակցությունից հեռանալուց հետո միացել է նեոազգայնական «Հայրենիք» կուսակցությանը, գրում են թուրքական լրատվամիջոցները։
Սանջակի հեռացումը տեղի ունեցավ այն ժամանակ, երբ ապրիլի կուսակցության Ստամբուլի մասնաճյուղը նրան ուղարկել էր կարգապահական խորհուրդ՝ ԱՄՆ-ի դերի մասին իր հայտարարությունների համար։
Սանջակը Ստամբուլում տեղակայված Մարմարա համալսարանում կայացած «Թուրքիայի անվտանգությունը և ՆԱՏՕ-ն» թեմայով համաժողովում ասել էր. «Մենք՝ ԱԶԿ-ն, իշխանության եկանք Միացյալ Նահանգների աջակցությամբ»։
Ավելի ուշ նա հերքել էր իր խոսքերը։
Սանջակը մամուլի համար հայտարարություն է արել Ստամբուլի նահանգային շենքում՝ կուսակցության առաջնորդ Դողու Փերինչեքի մասնակցությամբ։ Երբ նրան հարցրել են, թե ինչո՞ւ դեռ չի բացահայտել համաժողովում իր ելույթի «իրական» ձայնագրությունը, որը, ինչպես պնդում է, գոյություն ունի, միաժամանակ հերքելով իր հակասական արտահայտությունները, Սանջակը նշել է, որ դա անելու է, երբ «հարմար պահը լինի»:
«Նրանք ինձ ներկայացնում են որպես ԱԶԿ-ի ժամանակաշրջանի մեծահարուստների մաս։ Ես ուզում եմ նրանց ասել, որ նախքան ԱԶԿ-ին միանալը՝ ես եղել եմ TÜSİAD-ի փոխնախագահ: ԱԶԿ-ին անդամակցելուց հետո ես ավելի աղքատացա»,- ասել է Սանջակը։
Էմմա Չոբանյան
