20.03.2026 | 23:39
Կիևը Մերձավոր Արևելք ռազմական խմբեր է ուղարկել՝ ԱԹՍ-ներ որսալու համար
«Սասնա ծռերի» գործով քաքշուկի հետ կապված՝ ՄԻՊ ներկայացուցչներն այցելել են ոստիկանության Նոր Նորքի բաժին
Հասարակություն
28.06.2017 | 15:18
Ավան և Նոր Նորք վարչական շրջանների ընդհանուր իրավասության դատարանի բակում իրավիճակի, Ոստիկանության ծառայողների կողմից ֆիզիկական ուժ կիրառելու և բերման ենթարկելու տեղեկությունների, ինչպես նաև փաստաբաններ Իննեսա Պետրոսյանի, Արայիկ Պապիկյանի և Արա Ղարագյոզյանի՝ Մարդու իրավունքների պաշտպանի աշխատակազմի թեժ գծի հեռախոսամարին ստացված մի շարք հաղորդումների հիման վրա, Պաշտպանի աշխատակազմի ներկայացուցիչներն այցելել են Ավան և Նոր Նորք վարչական շրջանների ընդհանուր իրավասության դատարան:
ՄԻՊ-ից հայտնում են, որ այս պահին Պաշտպանի ներկայացուցիչները գտնվում են Ոստիկանության Նոր Նորքի բաժնում:
Նշենք, որ «Սասնա ծռերի» գործով դատական նիստին այսօր՝ հունիսի 28-ին, բախում էր տեղի ունեցել ամբաստանյալների և ոստիկանների միջև: Ոստիկանները բռնի ուժով հեռացրել էին ամբաստանյալներ Արեգ Կյուրեղյանին, Մխիթար Ավետիսյանին և Սմբատ Բարսեղյանին: Այս ամենը տեսնելով՝ դահլիճում գտնվող հարազատները սկսել էին գոռգոռալ և հարվածել ապակիներին:
Փաստաբան Արայիկ Պապիկյանը նշել էր, որ ոստիկանները հարձակվել ու քաշքաշել են փաստաբաններ Լուսինե Սահակյանին, Արայիկ Պապիկյանին, Ինեսա Պետրոսյանին, Մուշեղ Շուշանյանին, Տիգրան Հայրապետյանին և Արա Զաքարյանին:
