09.09.2026 | 22:04
Գյումրիում բացահայտվել է կեղծ օղու և կոնյակի պատրաստման դեպք․ 52-ամյա տղամարդը ձերբակալվել է. ՆԳՆ
Արդարություն ենք պահանջում, որտե՞ղ են մեր տղաները․ հրամանատարը պիտի պատասխան տա․ ՏԵՍԱՆՅՈՒԹ
Հասարակություն
29.07.2022 | 16:25
Արցախյան 44-օրյա պատերազմի ժամանակ զոհված զինծառայողների մի խումբ ծնողներ այսօր հավաքվել էին Պաշտպանության նախարարության շենքի մոտ՝ գերատեսչության ղեկավարությունից պահանջելով պարզաբանումներ տալ, թե ինչ հանգամանքներում են զոհվել իրենց զավակները:
«Արդարություն ենք պահանջում, որտե՞ղ են մեր տղաները․ հրամանատարը պիտի պատասխան տա»,- ասաց զոհված զինծառայողներից մեկի ծնողը։ – Մենք պահանջում ենք հրամանատար Պավլիկ Քյարամյանին բերել առերեսման և ուզում ենք մեր տղաների զոհվելու հանգամանքներն իմանալ, նաև անհետ կորած Գագիկ Խաչատրյանի տեղն իմանալ:
Ո՞ւր են մեր երեխեքը, ո՞վ հրաման տվեց, որ նրանց Մարտակերտից տարան Մարտունի 2, բարձրացրին Ուղտասար ու կանգնեցրին բաց երկնքի տակ, վերջում ամեն մեկիս նրանցից «մի կտոր» տվեցին. ո՞վ է մեղավոր:
Ուզում ենք հասկանալ՝ Քյարամյան Պավլիկը ո՞նց դարձավ հերոս: Բա որ նա հերոս է, մեր տղանե՞րն ինչ են»:
Մանրամասները՝ տեսանյութում:
