21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Կենտուկիում գրանցված ջրհեղեղը նահանգի պատմության մեջ ամենակործանարարն է
Քաղաքականություն
29.07.2022 | 16:18
ԱՄՆ-ի Կենտուկի նահանգում հզոր ջրհեղեղի հետևանքով զոհվել է առնվազն ութ մարդ, ևս մի քանիսը անհետ կորած է, հայտնում է Washington Post-ը։
Նահանգապետ Էնդի Բեշիրը աղետն անվանել է «Կենտուկիի պատմության ամենավատ, կործանարար ջրհեղեղներից մեկը»: Բեշիրը նաև նշել է, որ վտանգը դեռ պահպանվում է, քանի որ անձրևը չի դադարել։
«Մենք դեռ աղետի ամենաթեժ շրջանում ենք․ որոշ տեղերում հեղեղը կշարունակվի այս գիշեր ևս»,- զգուշացրել է նա։ Նահանգի որոշ բնակավայրերում ջրի մակարդակն այնքան է բարձրացել, որ հասնում է որոշ տների տանիքներին։ Լուրջ վնաս է հասցվել ճանապարհներին և այլ ենթակառուցվածքների։ Փրկարարները նավերով և ուղղաթիռներով փորձում են հասնել արգելափակված մարդկանց։ Սենթ Լուիսում և արևելյան Կենտուկիում ջրհեղեղները շատ հազվադեպ են գրանցվում։
Տաթև Ֆռանգյան
