ՌԴ տնտեսությունը «հաշմանդամ է դարձել» արևմտյան պատժամիջոցների հետևանքով․ հետազոտություն

Ռուսաստանի տնտեսությունը «աղետալիորեն հաշմանդամ է դարձել» արևմտյան պատժամիջոցների և միջազգային ընկերությունների զանգվածային արտահոսքի պատճառով, ասվում է Յեյլի համալսարանի ուսումնասիրության մեջ, գրում է Euronews-ը:

Հետազոտությունը, որը հեղինակների կարծիքով ռուսական ժամանակակից տնտեսության «առաջին համապարփակ» վերլուծությունն է, պարզել է, որ ուկրաինական պատերազմի սկզբից ի վեր Ռուսաստանը ջախջախիչ հարված է ստացել բազմաթիվ չափանիշներով:

«Ռուսաստանը կորցրել է ընկերություններ, որոնք ձևավորում էին ՀՆԱ-ի մոտ 40%-ը՝ հետընթաց կատարելով շուրջ երեք տասնամյակների ընթացքում  կատարված օտարերկրյա ներդրումների ուղղությամբ»,- գրում են Յեյլի կառավարման դպրոցի հետազոտողները՝ հավելելով, որ իրավիճակն ավելի է վատթարացել կապիտալի և բնակչության «աննախադեպ փախուստի» պատճառով։

Ավելի քան 1000 ընկերություն գրեթե բոլոր ոլորտներից՝ նորաձևությունից մինչև ֆինանսներ, կրճատել է իր գործունեությունը Ռուսաստանում կամ ամբողջությամբ դուրս եկել երկրից ուկրաինական պատերազմի սկզբից ի վեր:

Հետազոտության հեղինակների կարծիքով միջազգային պատժամիջոցներն «անդառնալիորեն վատթարացրել են» Ռուսաստանի արտահանումը, իսկ ներմուծումը «մեծապես փլուզվել է»: Սա հանգեցրել է «մատակարարման համատարած պակասուրդի» Ռուսաստանի ներսում և պատճառ է դարձել, որ ներմուծման վրա հիմնված արտադրական ձեռնարկությունները կանգ է առնեն:

«Չնայած Պուտինի՝ ինքնաբավության և ներմուծման լիարժեք փոխարինման շուրջ մոլորություններին, ռուսական ներքին արտադրությունը լրիվ կանգ է առել։ Կորսված բիզնեսները վերականգնելու, ապրանքներն ու տաղանդը փոխարինելու հնարավորություն չունենալով. Ռուսաստանի ներքին նորարարությունների և արտադրական բազայի խորտակումը հանգեցրել է գների աճի և սպառողների անհանգստության», – գրում է Յելի թիմը:

Ըստ հետազոտողների, հարված է հասցվել նաև Ռուսաստանի՝ որպես ապրանքների առաջատար արտահանողի կարգավիճակին: Էներգետիկ եկամուտները կազմում են Ռուսաստանի բյուջեի եկամուտների 60%-ը, ինչը նշանակում է, որ ապրանքների արտահանումը շատ ավելի կարևոր է Ռուսաստանի համար, քան այլ երկրների:

Հետազոտության հինգ հեղինակները նշում են, որ իրենց բացահայտումները մարտահրավեր են նետում աճող պնդումներին, թե պատժամիջոցներն ավելի շատ   վնասում ոն Արևմուտքին, քան Մոսկվային:

Տաթև Ֆռանգյան