15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
ՌԴ-ն շաբաթների դադարից հետո կրկին հրթիռակոծել է Կիևի արվարձաններն ու Չեռնիգովի շրջանը
Քաղաքականություն
29.07.2022 | 15:15
Վերջին շաբաթների հարաբերական դադարից հետո Ռուսաստանը հրթիռակոծել է Կիևի արվարձանները և երկրի հյուսիսում գտնվող Չեռնիգովի շրջանը։ Ուկրաինայի իշխանությունները սա գնահատում են որպես վրեժ ներխուժմանը իրենց շարունակական դիմադրության համար, գրում է VOA-ն:
Ըստ աղբյուրի՝ ՌԴ-ն Սև ծովից 6 հրթիռ է արձակել Կիևի շրջանի վրա։ Շրջանի ղեկավարը հայտնել է, որ հարվածների հետևանքով վիրավորվել է 15 մարդ, այդ թվում՝ 5 խաղաղ բնակիչ։ Ուկրաինան հայտարարել է, որ խոցել է հրթիռներից մեկը, սակայն ռուսական ուժերը հարված են հասցրել Լյուտիժ գյուղում գտնվող ռազմական օբյեկտին։
Կիևի շրջանի ղեկավար Ալեքսեյ Կուլեբան հարձակումները կապել է Ուկրաինայի պետականության օրվա հետ, որը նախագահ Վլադիմիր Զելենսկու նախաձեռնությամբ անցած տարի ներդրված տոն է և առաջին անգամ նշվել է այս հինգշաբթի:
Չեռնիգովի շրջանի ղեկավար Վյաչեսլավ Չաուսը հայտարարել է, որ Ռուսաստանը հարևան Բելառուսի տարածքից հրթիռներ է արձակել նաեւ Գոնչարովսկոե գյուղի ուղղությամբ։ Չեռնիգովի շրջանն ևս արդեն մի քանի շաբաթ է՝ չէր հրթիռակոծվում։
Տաթև Ֆռանգյան
