25.06.2026 | 22:47
Հայաստանը և Իրանը կարևորել են 400 կՎ էլեկտրահաղորդման գծի շուտափույթ ավարտը
Սկանդալ «Ֆեներբախչե»-Կիևի «Դինամո» խաղին․ թուրք երկրպագուները վանկարկել են Պուտինի անունը․ ՏԵՍԱՆՅՈՒԹ
Քաղաքականություն
28.07.2022 | 20:57
Թուրքիայի ամենահայտնի ֆուտբոլային ակումբներից մեկը՝ «Ֆեներբախչեն», նախօրեին դուրս է մնել ՈՒԵՖԱ-ի Չեմպիոնների լիգայի որակավորման երկրորդ փուլից՝ սեփական հարկի տակ 2:1 հաշվով զիջելով Կիևի «Դինամոյին»։ Տեղական լրատվամիջոցների հաղորդմամբ, թուրքական թիմի երկրպագուներն աչքի են ընկել ոչ ֆուտբոլային պահվածքով․ նրանք «Դինամոյի» առաջին գոլից հետո Ստամբուլի մարզադաշտում սկսել են վանկարկել ՌԴ նախագահ Վլադիմիր Պուտինի անունը։
Ուկրաինական ակումբի մարզիչ Միրչա Լուչեսկուն հրաժարվել է մասնակցել հետխաղյա մամուլի ասուլիսին՝ ի նշան բողոքի։ «Ես չէի ակնկալում նման վանկարկումներ, ամոթ է»,-ասել է նա լրագրողների հետ զրույցում։
Թուրքիայում Ուկրաինայի դեսպան Վասիլ Բոնդարն էլ թվիթերյան իր էջում է անդրադարձել միջադեպին։
«Շատ տխուր է լսել «Ֆեներբախչեի» երկրպագուների աջակցության խոսքերը ռուս մարդասպանի և ագրեսորի հասցեին, որը ռմբակոծում է մեր երկիրը։ Ես գնահատում եմ բարեկամ թուրք ժողովրդի աջակցությունը Ուկրաինային նրանց գնահատականը երկրպագուների ոչ պատշաճ գործողություններին»,-գրել է Բոնդարը։
Այս միջադեպը սոցիալական ցանցերում լուրջ քննադատությունների առիթ է դարձել, իսկ տեսանյութն էլ մեծ տարածում է գտել համացանցում։
Էմմա Չոբանյան
