16.09.2026 | 12:19
ԱՄՆ Ներկայացուցիչների պալատը երրորդ անգամ Իրանի պատերազմը դադարեցնելու օգտին է քվեարկել
Բլինքենը պատրաստվում է առաջիկա օրերին զրուցել Լավրովի հետ
Քաղաքականություն
28.07.2022 | 11:45
ԱՄՆ-ն պետքարտուղար Էնթոնի Բլինքենը պատրաստվում է առաջիկա օրերին հեռախոսազրույց ունենալ ՌԴ ԱԳ նախարար Սերգեյ Լավրովի հետ, գրում է Ինտերֆաքսը։ Այդ մասին նա հայտնել է Պետքարտուղարությունում ու հավելել, որ դա լինելու է իրենց առաջին զրույցը Ուկրաինայում ՌԴ ներխուժումից ի վեր։
Բլինքենը մտադիր է Լավրովի հետ քննարկել Ռուսաստանում ձերբակալված ամերիկացիների ճակատագիրը և ուկրաինական հացահատիկի արտահանման թեման։ «Ես կբարձրացնեմ հարցը, որն առաջնահերթություն է մեզ համար։ Դա ամերիկացիներ Փոլ Ուիլանի ու Բրիտնի Գրայների ազատումն է»,-ասել է նա։
Պետքարտուղարի խոսքով՝ ամերիկյան կողմը մի քանի շաբաթ առաջ առաջարկ է արել Մոսկվային, որը կարող է հեշտացնել նրանց ազատ արձակումը։ Մոսկվայի և Վաշինգտոնի ներկայացուցիչները մշտական կապի մեջ են և քննարկում են այդ առաջարկը։
Էմմա Չոբանյան
