19.08.2026 | 16:33
Ռուս-վրացական սահմանը 24 ժամում ավելի քան 20,000 մարդ է հատել․ Վերին Լարսում մեծ խցանում է
Այս շաբաթ հնարավոր է Ուկրաինայից հացահատիկի առաջին խմբաքանակի արտահանումը․ Reuters
Քաղաքականություն
27.07.2022 | 18:41
Ստամբուլում այսօր բացվելու է ուկրաինական հացահատիկի արտահանման վերահսկման շտաբը,իսկ մի քանի օրից առաջին նավը, հավանաբար, կմեկնի Սև ծովի նավահանգիստներից։ Reuters-ին այս մասին ասել է մի թուրք բարձրաստիճան պաշտոնյա։
Ստամբուլի համատեղ համակարգող կենտրոնը կվերահսկելու է ուկրաինական երեք նավահանգիստներից հացահատիկով բեռնված նավերի մեկնումները։ Թուրք բարձրաստիճան պաշտոնյան ասել է, որ մանրամասները մշակվել են, այդ թվում՝ անվտանգ ծովային երթուղիները։
«Հացահատիկի առաջին խմբաքանակը բեռնվելու է այս շաբաթ, և Ուկրաինայից արտահանումը տեղի կունենա»,-ասել է պաշտոնյան անանունության պայմանով։
Հիշեցնենք, որ ուկրաինական հացահատիկի արտահանման համաձայնագիրը կնքվել էր հուլիսի 22-ին Ստամբուլում Թուրքիայի, ՌԴ-ի, Ուկրաինայի ու ՄԱԿ-ի ներկայացուցիչների միջև։
Էմմա Չոբանյան
