09.10.2026 | 21:43
Ադրբեջանի դպրոցներում հիջաբ կրելու արգելք է սահմանվել նաև ուսուցիչների համար
Թուրքիան մտադիր է երկարաձգել Ռուսաստանի, Իրանի ու Ադրբեջանի հետ գազային համաձայնագրերը
Քաղաքականություն
27.07.2022 | 13:33
Թուրքիան մտադիր է երկարաձգել բնական գազի գնման համաձայնագրերը ՌԴ-ի, Ադրբեջանի ու Իրանի հետ։ Այս մասին հայտարարել է Թուրքիայի էներգետիկայի նախարար Ֆաթիհ Դյոնմեզը, գրում է ՏԱՍՍ-ը։
«Մեր հիմնական մատակարարներն են ՌԴ-ն, Ադրբեջանն ու Իրանը։ Մենք մտադիր ենք երկարաձգել նրանց հետ պայմանագրերը նոր ժամկետներով։ Մենք ձգտում ենք բավարարել մեր էներգետիկ կարիքները»,-ասել է Դյոնմեզը Haber Global հեռուստաալիքի եթերում։
Գազային ոլորտում համագործացության հարցերը ՌԴ-ի ու Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը քննարկել էին հուլիսի 19-ին Թեհրանում Աստանայի ձևաչափի գագաթնաժողովի շրջանակներում։ Օգոստոսի 5-ին էլ Էրդողանը մեկօրյա այցով պատրաստվում է մեկնել Սոչի՝ Պուտինի հետ բանակցությունների։ Ի դեպ, այս տարվա առաջին վեց ամիսների ընթացքում ՌԴ-ն Թուրքիային գրեթե 13 մլրդ խորանարդ մետր գազ է մատակարարել։
Էմմա Չոբանյան
