16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Իրանը կվերանորոգի ռուսական ինքնաթիռները և դրանց համար սարքավորումներ կմատակարարի
Քաղաքականություն
27.07.2022 | 17:35
Իրանը պայմանագիր է ստորագրել Ռուսաստանի հետ, որը նախատեսում է ռուսական ուղևորատար ինքնաթիռների մասերի և սարքավորումների մատակարարում, ինչպես նաև ինքնաթիռների վերանորոգում և սպասարկում։ Այս մասին հայտնում է Mehr գործակալությունը՝ Իրանի քաղաքացիական ավիացիայի վարչությանը հղումով։
Համաձայնագիրը Իրան կատարած այցի ժամանակ ստորագրել է Ռուսաստանի տրանսպորտի փոխնախարարը Իրանի քաղաքացիական ավիացիայի վարչության ղեկավար Մոհամմադ Մոհամմադի-Բախշի հետ։ Կողմերը պայմանավորվել են նաև Ռուսաստանի և Իրանի միջև չվերթերի քանակը շաբաթական հասցնել 35-ի։
Հիշեցնենք, որ Ուկրաինայում ռազմական գործողությունների մեկնարկից հետո ԵՄ-ի կիրառած պատժամիջոցների հետևանքով ՌԴ-ն չի կարողանում իրականացնել մարդատար ինքնաթիռների տեխնիկական սպասարկումը։
Տաթև Ֆռանգյան
