28.06.2026 | 11:29
Պուտինի հետ հանդիպում պահանջած նախկին զինվորականը կալանավորվել է
Սիրիան հրթիռակոծել է թուրքական խմբավորումները, Թուրքիան՝ թիրախավորել քրդական ուժերին
Քաղաքականություն
26.07.2022 | 19:27
Սիրիացի զինվորականները երկու հրթիռ են արձակել արևմտյան Հալեպում գտնվող Դեյր Սամաանի թուրքական բազայի և Ալ-Քաթուրա գյուղի արվարձանների ուղղությամբ։ Այս մասին հայտնում է Asharq Al-Awsat թերթը՝վկայակոչելով Մարդու իրավունքների սիրիական դիտորդական կենտրոնին (SOHR), գրում են թուրքական լրատվամիջոցները։
Նշվում է, որ հարձակման հետևանքով զոհեր ու վիրավորներ չկան։ Հաղորդվում է, որ Հալեպի տարածքում շարունակվում է ռազմական էսկալացիան սիրիական ռեժիմի և դաշնակից խմբերի կողմից։ Ավելի քան 70 հրթիռ և հրետանային արկ է հարվածել Հալեպի արևմտյան գյուղերին։ Թուրքամետ «Ալ Ֆաթհ Ալ-Մուբին» խմբավորումն էլ հրթիռակոծել է ռեժիմի դիրքերը Իդլիբից հարավ և Լաթաքիայի հյուսիսում։
Նշվում է, որ թուրքական ուժերը կիրակի օրը 58 հրետանային հարձակում են իրականացրել Հալեպի մի քանի գյուղերի վրա, ինչի հետևանքով երկու զինվոր են վիրավորվել։ Վերջին 48 ժամվա ընթացքում նրանք թիրախավորել են Հալեպի հյուսիսային շրջանի գյուղերը
Սիրիական զինուժեը պատասխան հարված է հասցրել՝ թիրախավորելով Հալեպի արևմտյան Մկալբիս գյուղը, որտեղ տեղակայված են Սիրիայի ազգային բանակի խմբավորումները և թուրքական ուժերը: Թուրքիայի ՊՆ-ն էլ նախօրեին հայտարարել էր, որ 15 քուրդ զինյալներ, այդ թվում ՝ երկու բարձրաստիճան ղեկավարներ, վնասազերծվել են։
Էմմա Չոբանյան
