09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
Ռուսաստանը որոշել է դուրս գալ Միջազգային տիեզերակայանի նախագծից
Քաղաքականություն
26.07.2022 | 18:43
Յուրի Բորիսովը, ով փոխարինել է Դմիտրի Ռոգոզինին «Ռոսկոսմոսի» ղեկավարի պաշտոնում, հայտարարել է Միջազգային տիեզերակայանի (ՄՏԿ) նախագծից Ռուսաստանի դուրս գալու մասին։ Սա պետք է տեղի ունենա 2024 թվականից հետո, գրում է BBC-ի ռուսական ծառայությունը։
Այս մասին «Ռոսկոսմոսի» ղեկավարն ասել է ՌԴ նախագահ Վլադիմիր Պուտինի հետ հանդիպմանը։ Նրա խոսքերից բխում է, որ ՄՏԿ-ից դուրս գալու որոշումն ընդունված է։
«Իհարկե, մենք կկատարենք մեր բոլոր պարտավորությունները մեր գործընկերների հանդեպ [ՄՏԿ-ում], սակայն որոշումն ու 2024 թվականից հետո այս կայանից դուրս գալն ընդունված է»,- ասել է Բորիսովը։
Նա Ռուսաստանի ուղեծրային սպասարկման կայանի ստեղծումն անվանել է Ռոսկոսմոսի գործունեության հիմնական առաջնահերթությունը տիեզերագնացության ոլորտում։
Բորիսովն առաջին անգամը չէ, որ խոսում է այս մասին, սակայն ՄՏԿ-ի վերաբերյալ վերջնական որոշումը նախկինում չի հայտարարվել։ Անգամ որպես փոխվարչապետ այս տարվա ապրիլին Բորիսովը հայտարարել էր, որ Ռուսաստանը մտադիր է մինչև 2025 թվականը դուրս գալ ISS նախագծից։ Այն ժամանակ «Ռոսկոսմոսը» պատասխանել էր, որ Ռուսաստանը տիեզերակայանի շահագործումը շարունակելու որոշում կկայացնի ոչ թե հիմա, այլ 2024 թվականից հետո։
Հիշեցնենք, որ Բորիսովը փոխարինել է Ռոգոզինին տիեզերական կորպորացիայի ղեկավարի պաշտոնում հուլիսի 15-ին։
Տաթև Ֆռանգյան
