09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
Պուտինն Էրդողանին առաջարկել է ՌԴ-ում «Բայրաքթար» անօդաչուների արտադրություն հիմնել․ ԶԼՄ
Քաղաքականություն
26.07.2022 | 17:35
ՌԴ նախագահ Վլադիմիր Պուտինը ցանկանում է, որ թուրքական «Բայքար» անօդաչու թռչող սարքեր արտադրող ընկերությունը արտադրություն հիմնի Ռուսաստանում, գրում է The Middle East Eye-ը։ Ըստ CNN Turk-ի՝ նախագահ Ռեջեփ Թայիփ Էրդողանը երկուշաբթի օրը կայացած բարձրագույն կուսակցական հանդիպման ժամանակ իր գործընկերներին ասել է, որ Պուտինը դիմել է իրեն Թեհրանում վերջերս կայացած հանդիպման ժամանակ՝ առաջարկելով գործարք կնքել թուրքական «Բայքար» ընկերության հետ հարվածային անօդաչու թռչող սարքեր արտադրելու համար, որոնք արդյունավետ են եղել Ուկրաինայում ռուսական ուժերի դեմ պայքարում։
«Պուտինն ինձ ասաց, որ ցանկանում է աշխատել «Բայքար» հետ։ Նա առաջարկել է գործարան հիմնել Ռուսաստանում, ինչպես «Բայքարն» արել է ԱՄԷ-ում»,- ասել է Էրդողանը՝ ըստ ԶԼՄ-ի տեղեկությունների։ Չնայած դրան՝ «Բայքարի» խոսնակը հերքել է տեղեկությունը, որ ընկերությունը գործարան է հիմնել ԱՄԷ-ում: Նա նաև հրաժարվել է մեկնաբանել ռուսական կողմի առաջարկը։ Խնդրին ծանոթ աղբյուրը, այդուհանդերձ, հայտնել է, որ «Բայքարն» ԱՄԷ-ում, իսկապես, հոսքագիծ հիմնելու գործընթաց է իրականացնում:
Հավելենք, որ օրերս «Բայքար» ընկերության տնօրեն Հալուք Բայրաքթարը հայտարարել էր, որ Թուրքիան ՌԴ-ին անօդաչուներ չի վաճառել ու չի պատրաստվում վաճառել։
Էմմա Չոբանյան
