09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Դիմակավորված իրավապահներն առգրավեցին «Սեքյուրիթի Դրիմ» ընկերության համակարգիչները․ ՏԵՍԱՆՅՈՒԹ
Հասարակություն
26.07.2022 | 15:03
Ոստիկանության հատուկջոկատայինները «Սեքյուրիթի Դրիմ»-ում խուզարկություն են իրականացնում։ Դիմակավորված իրավապահներն առգրավեցին «Սեքյուրիթի Դրիմ» ընկերության համակարգիչները։
Գործողություններ իրականացնող իրավապահները խուսափեցին պատասխանել Factor.am-ի հարցին, թե ինչ խնդրի հետ է կապված խուզարկությունը և ինչու է առգրավում կատարվում:
Անդրադառնալով հարցերին, թե ինչ ահազանգ է եղել, արդյոք կոռուպցիոն հանցագործության կամ ֆինանսական հանցագործության մասին է խոսքը, նրանք հորդորեցին տեղեկություն ստանալու համար դիմել Քննչական կոմիտե:
Քննչական կոմիտեի լրատվական վարչությունից դեռևս տեղեկություններ ստանալ չի հաջողվում:
Հիշեցենք՝ «Սեքյուրիթի դրիմ»-ը փողոցներում տեղադրված արագաչափերի և տեսախցիկների միջոցով արձանագրում էր ճանապարհային երթևեկության կանոնների խախտումները:
Նշենք, որ Կառավարության հուլիսի 14-ի նիստում որոշում էր կայացվել ստեղծել «Ոստիկանության տեսալուսանկարահանող էլեկտրոնային համակարգերի կառավարման կենտրոն» պետական ոչ առևտրային կազմակերպություն: Վարչապետ Նիկոլ Փաշինյանը հայտարարել էր, թե այս որոշմամբ «Սեքյուրիթի դրիմ»-ի դարաշրջանը բարեհաջող ավարտվում է, և գործառույթը դառնում է լիարժեք պետական:
Մանրամասները՝ տեսանյութում:
