06.11.2024 | 15:12
Դոնալդ Թրամփն ընտրվեց ԱՄՆ 47-րդ նախագահ
Ռուսաստանն ու Թուրքիան բանակցություններ են վարում ազգային արժույթներով առևտուրն ավելացնելու շուրջ․ ԶԼՄ
Քաղաքականություն
26.07.2022 | 19:19
Ռուսաստանի և Թուրքիայի ներկայացուցիչները բանակցություններ են վարում ազգային արժույթներով առևտուրն ավելացնելու շուրջ։ Այս մասին հայտնում է Aydınlık թերթը՝ վկայակոչելով իր աղբյուրներին, գրում է Ռիա Նովոստին։
«Տեխնիկական պատվիրակությունները բանակցություններ են վարում երկու երկրների միջև SWAP-ի և ֆինանսական համակարգի ներդաշնակեցման, ինչպես նաև ազգային արժույթներով առևտուրն ավելացնելու շուրջ։ Առաջին կիսամյակում նկատվում է Ռուսաստան արտահանման աճ»,-ասվում է հրապարակման մեջ։
Թուրքիան Ռուսաստանի հիմնական արտաքին տնտեսական գործընկերներից մեկն է։ 2021թ-ի տվյալներով՝ արտաքին առևտրի ծավալը կազմել է 33,02 միլիարդ դոլար, ռուսական արտահանումը կազմել է 26,5 մլրդ դոլար, ներկրումը՝ 6,5 մլրդ։
Էմմա Չոբանյան
