28.06.2026 | 15:38
Ձայնագրությունները մոնտաժված են եղել․ «Ուժեղ Հայաստանին» ահռելի վնաս է պատճառվել․ Վարդևանյան․ ՏԵՍԱՆՅՈւԹ
Լողասեզոնի ընթացքում ջրասուզման 1 դեպք է գրանցվել․ Արմեն Ճզմաչյան
Հասարակություն
25.07.2022 | 16:23
Հայաստանում վերջին տարիներին ջրահեղձման դեպքերը նկատելի նվազել են: Այսօր «Լողափնյա սեզոնի թաքնված վտանգները. Անվտանգության միջոցառումներ, իրազեկման աշխատանքներ» թեմայով հրավիրված ասուլիսի ընթացքում այս մասին նշեց ՀՀ ԱԻՆ Փրկարար ծառայության Գեղարքունիքի մարզային փրկարարական վարչության հատուկ ջրափրկարարական ջոկատի հրամանատար, փրկարար ծառայության փոխգնդապետ Արմեն Ճզմաչյանը:
Նրա խոսքով՝ եթե տարիներ առաջ Սևանում լողասեզոնի ընթացքում գրանցվում էր 10-14 ջրահեղձման դեպք, ապա վերջին շրջանում նման դեպքերի թիվը նկատելի կրճատվել է: Նախորդ տարի Սևանում ջրահեղձման դեպք չի գրանցվել: Այս տարի մեկ այդպիսի դեպք է եղել:
«Այս լողասեզոնի ընթացքում Սևանում ջրահեղձման մեկ դեպք ունենք, որը գրանցվել է հուլիսի 17-ին: 9 հոգի մոտորանավակով դուրս է եկել լիճ: Նրանք մի պահ կանգ են առել ու մոտորանավակից երկու հոգի ցատկել է լողալու: Նրանցից մեկը սուզվել է ու չի բարձրացել ջրի մակերես, խեղդվել է: Եվս երկու ջրահեղձման դեպք այս տարի ունեցել ենք, սակայն ճանապարհատրանսպորտային պատահարի հետևանքով ավտոմեքենան ընկել է լճի ճահճային հատված, երկու երիտասարդ չի կարողացել դուրս գալ»,- նշեց Ճզմաչյանը:
Նա նաև հավելեց, որ հուլիսի 9-ից հատուկ ջրափրկարարական ջոկատը սկսել է աշխատել ուժեղացված ռեժիմով. կենտրոնական կայանից բացի, ծառայությունն իրականցվում է 3 հանրային լողափերում, որտեղ տեղակայված են ջրափրկարարական հենակետերն իրենց տեխնիկական միջոցներով, մոտորանավակներով:
Արմեն Ճզմաչյանը նկատեց, որ ջրահեղձման դեպքերի նվազման գործում իր ազդեցությունն ունի ջրափրկարարական ջոկատի աշխատանքի արդյունավետության բարձրացումը:
Մանրամասները՝ տեսանյութում։
