09.10.2026 | 21:43
Ադրբեջանի դպրոցներում հիջաբ կրելու արգելք է սահմանվել նաև ուսուցիչների համար
Աշխարհում COVID-19-ի դեպքերի թիվը գերազանցել է 570 միլիոնը
Քաղաքականություն
25.07.2022 | 15:05
Աշխարհում կորոնավիրուսի դեպքերի թիվը գերազանցել է 570 մլնը․ այս մասին են վկայում Բալթիմորի (Մերիլենդ) Ջոնս Հոփկինսի համալսարանի տվյալները։ Համաճարակի սկզբից ի վեր COVID-19-ի հետևանքով մահացածների թիվը կազմել է 6 մլն 384 հզր 340։ Վարակակիրների թվով առաջատարն ԱՄՆ-ն է (90,410,386), գրում է DW-ի ռուսական ծառայությունը։ Առողջապահության հարցերով եվրահանձնակատար Ստելլա Կիրիակիդեսն ասել է, որ ԵՄ անդամ երկրները պետք է սկսեն նախապատրաստվել համաճարակի նոր ալիքին աշնանը և ձմռանը՝ բռնկումների թվի ներկայիս «տագնապալի աճի» ֆոնին։
«Ցավոք, համաճարակի համատեքստում մի քանի երկրներում գրանցվել է վարակի դեպքերի տագնապալի աճ»,- ասել է նա Կիպրոսի պետական ռադիոյին տված հարցազրույցում։
«Վերջին երկու ամիսների ընթացքում մենք պատրաստվում ենք աշնանն ու ձմռանը՝ քաջ գիտակցելով, որ համաճարակի հաջորդ ալիքը չի կարող և չպետք է ավելի ծանրաբեռնի մեր տնտեսությունը և մեր հասարակությունը, հատկապես այն ժամանակ, երբ նրանք տառապում են պատերազմից, Ուկրաինա ներխուժումից և գնաճից»,- ասել է Կիրիակիդեսը։
Նրա խոսքով՝ Եվրահանձնաժողովը ԵՄ անդամ երկրներին խնդրել է արագացնել 60-ից բարձր մարդկանց և խոցելի խմբերի խթանիչ պատվաստումները։
«Այս ամիսները նախապատրաստական են լինելու․․․ Մեր առողջապահական համակարգերը պետք է պատրաստ լինեն համաճարակի հնարավոր նոր ալիքներին, որոնք, օրինակ, կարող են զուգակցվել սեզոնային գրիպի հետ»,- ասել է նա։
Տաթև Ֆռանգյան
