20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Առաջին կիսամյակում տնտեսական ակտիվության ցուցանիշն աճել է 11,8 %-ով
Տնտեսություն
25.07.2022 | 13:33
Այս տարվա հունիսին նախորդ տարվա նույն ամսվա համեմատ գրանցվել է 18,5 % տնտեսական ակտիվության աճ։ Այս մասին տեղեկանում ենք Վիճակագրական կոմիտեի հրապարակած տվյալներից։
Առավել մեծ աճ է գրանցվել արտաքին առևտրաշրջանառության ոլորտում՝ 71 %: Արտահանումն աճել է 68 %-ով, ներմուծումը՝ 73․1 %-ով։ Դրան հաջորդում է ծառայությունների ծավալի աճը՝ 35,5 %-ով։ Արդյունաբերական արտադրանքի ծավալն աճել է 19 %-ով, էլեկտրաէներգիայի արտադրությունը՝ 25,4 %-ով, շինարարության ծավալը՝ 16,7 %-ով, առևտրի շրջանառությունը՝ 18,2 %-ով։
Ընդհանուր առմամբ՝ այս տարվա հունվար-հունիս ամիսներին տնտեսական ակտիվության ցուցանիշը նախորդ տարվա նույն ժամանակաշրջանի համեմատ աճել է 11,8 %-ով։
