07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Siemens-ը «Գազպրոմին» է փոխանցել «Հյուսիսային հոսքի» համար նախատեսված տուրբինի արտահանման լիցենզիան
Քաղաքականություն
25.07.2022 | 17:07
Գերմանական Siemens Energy ընկերությունը «Գազպրոմ» է ուղարկել արտահանման արտոնագիր, որը տրվել է Կանադայի կողմից՝ «Հյուսիսային հոսք» գազատարի Պորտովայա կոմպրեսիոն կայանի համար տուրբինների վերանորոգման, սպասարկման և փոխադրման համար: Այս մասին երկուշաբթի՝ հուլիսի 25-ին, հայտնել է «Կոմերսանտ» թերթը՝ վկայակոչելով սեփական աղբյուրները:
Ինչպես գրում է հրատարակությունը, «Գազպրոմը» երեք անգամ դիմել է Siemens-ին՝ այդ լիցենզիան տրամադրելու խնդրանքով, որը հաստատում է, որ ընկերության սարքավորումները հանված են կանադական պատժամիջոցներից։ Բյուրոկրատական ընթացակարգերի պատճառով հետաձգվել է տուրբինի առաքումը, որը հուլիսի 23-ին գերմանական Լյուբեկից լաստանավով պետք է տեղափոխվեր Հելսինկի, այնտեղից էլ՝ Ռուսաստան։ Այժմ դա հնարավոր կլինի անել հաջորդ շաբաթվա կեսերին, եթե «Գազպրոմը» ներկայացնի մաքսային հսկողություն անցնելու համար անհրաժեշտ փաստաթղթերը, գրում է «Կոմերսանտը»։
Ռուսաստանի նախագահ Վլադիմիր Պուտինը անցյալ շաբաթ հայտարարեց, որ «Գազպրոմը» առաջիկա օրերին ստիպված կլինի անջատել ևս մեկ տուրբին վերանորոգման համար: Հիշեցնեն՝ «Գազպրոմը» «Հյուսիսային հոսք» խողովակաշարով գազամատակարարման ծավալները կտրուկ նվազեցրել էր։ Գերմանիայում, որը «Հյուսիսային հոսքի» գլխավոր շահառուն է, մատակարարման ծավալների կրճատումը կապում են քաղաքական դրդապատճառների հետ։
Տաթև Ֆռանգյան
