28.06.2026 | 11:29
Պուտինի հետ հանդիպում պահանջած նախկին զինվորականը կալանավորվել է
Դոնբասում Google-ն արգելափակել են
Քաղաքականություն
22.07.2022 | 20:31
Դոնբասի ինքնահռչակ հանրապետություններում արգելափակվել են Google-ի ծառայությունները։ Այս մասին հայտարարել է ինքնահռչակ «ԴԺՀ»-ի ղեկավար Դենիս Պուշիլինը։ Նրա խոսքով՝ որոնողական համակարգը «քարոզում է ահաբեկչություն և բռնություն բոլոր ռուսների և հատկապես Դոնբասի բնակչության նկատմամբ», գրում է The Moscow times-ը։
Երեկ էլ Լուգանսկի ինքնահռչակ հանրապետության ղեկավար Լեոնիդ Պասեչնիկը Google-ին մեղադրել էր «ահաբեկչության և ծայրահեղականության նպատակաուղղված քարոզչության մեջ»։ Ձայնագրությունից մի քանի ժամ անց ռուսական լրատվամիջոցները հայտնել են, որ տարածաշրջանում որոնողական համակարգը դադարել է աշխատել։
Դեռևս գարնանը անջատողական հանրապետությունների իշխանությունները արգելափակել էին Instagram-ն ու Facebook-ը։ Բռնազավթված Խերսոնի շրջանի՝ Ռուսաստանի կողմից նշանակված իշխանություններն էլ օրերս արգելափակել են Instagram-ը, YouTube-ը և Viber-ը։
Նշվում է, որ ինքնահռչակ հանրապետություններում օտարերկրյա ինտերնետ ծառայություններն անջատվել են գալիք հանրաքվեի մասին լուրերի ֆոնին, որի հիմնական հարցը լինելու է Ռուսաստանին միանալը։ Bloomberg-ի տեղեկություններով, պաշտոնյաները պատրաստվում են քվեարկություն կազմակերպել այն տարածքներում, որոնք ներկայումս վերահսկվում են ռուս զինվորականների կողմից, նաև այն տարածքներում, որոնք առաջիկայում կարող են հայտնվել ՌԴ տիրապետության տակ: Ռուսաստանին միանալու վերաբերյալ հանրաքվեն նախատեսվում է անցկացնել մինչև սեպտեմբերի 15-ը։
Տաթև Ֆռանգյան
