13.01.2025 | 21:00
Հայաստանը հարուստ օրակարգ ունի Իրանի հետ. ՏԿԵ նախարարը՝ Մեջլիսի բարեկամական խմբի ղեկավարին
Եվրոպայում անտառային հրդեհները շարժվում են դեպի արևելք
Քաղաքականություն
22.07.2022 | 14:44
Եվրոպայում անտառային հրդեհների տարածքն ընդլայնվում է՝ շարժվելով դեպի արևելք. Սլովենիայում՝ Իտալիայի հետ սահմանին, երեք գյուղերի բնակիչների ստիպված են եղել տարհանել։ Երկրի իշխանությունները նշում են, որ հրդեհը ամենամեծն է վերջին 30 տարվա ընթացքում, այն ընդգրկել է շուրջ 2000 հա անտառ։ Տարերքի դեմ պայքարում ներգրավված են հազարից ավելի հրշեջներ, զինվորականներ և ոստիկաններ, ինչպես նաև ուղղաթիռներ Ավստրիայից, Սլովակիայից և Խորվաթիայից, գրում է Euronews-ը։
Իսպանիայում էլ շարունակում է մոլեգնել հրդեհի 9 օջախ։ Կրակը մարելուն խանգարում է ուժեղ քամին։ Հրդեհավտանգության բարձր մակարդակը պահպանվում է ողջ երկրում։ Այս ամառ իրավիճակը բարդացել է տևական՝ 40 աստիճանը գերազանցող շոգի և երաշտի պատճառով։
Մինչ այդ, Ֆրանսիայի Ժիրոնդի դեպարտամենտի իշխանությունները հայտնել են, որ երկու հրդեհները, որոնց պատճառով տասնյակ հազարավոր մարդկանց ստիպված են եղել տարհանել, տեղայնացվել են։ Չնայած դրան՝ օդերևութաբանների կանխատեսումները հուսադրող չեն․ հանգստյան օրերին քամին կուժգնանա, նաև ջերմաստիճանի բարձրացում է սպասվում։
Նմանատիպ իրավիճակ է Պորտուգալիայում, որտեղ կրակի դեմ պայքարում են քանի շրջաններում։ Արտակարգ իրավիճակների կառավարման ազգային գործակալությունը կոչ է արել բնակիչներին ուժեղացնել զգոնությունը՝ նշելով, որ առաջիկա երկու օրերին գյուղական բնակավայրերում հրդեհների վտանգը շատ մեծ է։
Տաթև Ֆռանգյան
