06.07.2026 | 14:37
Զելենսկին արձագանքել է Կիևին ռուսական զանգվածային հարվածին․ Ուկրաինան ՄԱԿ-ի ԱԽ արտակարգ նիստ է խնդրել
«Կյանքով է լցրել մեր տունը»․ պատերազմում որդի կորցրած ընտանիքներում արդեն 20 երեխա է ծնվել․ ՏԵՍԱՆՅՈՒԹ
Հասարակություն
20.07.2022 | 20:32
Փոքրիկ Մանվելը արդեն 5 ամիս է՝ ուրախություն է բերել Մանասյանների տուն։ Ավագ եղբոր՝ Սամվելի զոհվելուց հետո էր ընտանիքը որոշել նորից զավակ ունենալ։
Սամվելը Մատաղիսում է ծառայել, ծառայությունից երբեք չի դժգոհել, իսկ պատերազմի օրերին ծնողների հետ պարբերաբար խոսել է ու հանգստացրել, որ իր հետ ամեն ինչ կարգին է։ Զոհվել է Թալիշում ԱԹՍ-ի հարվածից։
Երկար դադարից հետո նորից մանկահասակ երեխա խնամելը դժվար է, հոգնում է, բայց դա ոչինչ է այն երջանկության հետ համեմատած, որ փոքրիկ Մանվելն է իր հետ բերել։
Որդեկորույս շատ ընտանիքներ են կրկին ծնող դառնալու որոշում կայացրել․ անպտղության հաղթահարման պետական ծրագրի մեկնարկից ի վեր արդեն 20 փոքրիկ է ծնվել և 2022-ի առաջին կիսամյակում արդեն 31 նոր հղիություն է գրանցվել։
Ծնողները ծրագրի շահառու դառնալու համար բուժկենտրոններ դիմում են հիմնականում ծանր հոգեվիճակում, ասում է Մոր և մանկան առողջության պահպանման կենտրոնի մանկաբարձ-գինեկոլոգ Մարիամ Հակոբյանը։
Անպտղության հաղթահարման ծրագիրը, որ որդեկորույս մայրերին հնարավորություն տվեց կրկին վայելել ծնող դառնալու բերկրանքը նաև սոցիալական այլ խմբերի է տալիս այդ հնարավորությունը՝ հաշմանդամություն ունեցող անձինք, սահմանամերձ բնակավայրերի բնակիչները, զինծառայողները և նրանց հավասարեցված անձինք ևս կարող են շահառու դառնալ։ Միայն այս տարվա 6 ամիսների ընթացքում, ծրագրի շնորհիվ ծնվել է 44 երեխա, արձանագրվել՝ 104 նոր հղիություն։
Մանրամասները՝ տեսանյութում։
Սաթենիկ Հայրապետյան
