28.06.2026 | 13:32
Արման Եղոյանը և Արուսյակ Ջուլհակյանը ԱԺ փոխնախագահ դառնալու ցանկություն ունեն. առայժմ հայտնի է 4 թեկնածուի մասին
«Բարձ բերենք` էստեղ քնենք». անձնագրային բաժանմունքներում մեծ հերթեր են․ ՏԵՍԱՆՅՈՒԹ
Հասարակություն
19.07.2022 | 18:02
Ոստիկանության անձնագրային և վիզաների վարչության բաժանմունքներում վերջին շաբաթներին աննախադեպ հերթեր են։ Factor TV-ն նկարահանումներ է իրականացրել Երևանի Կենտրոնական, Արաբկիրի և Ավանի բաժանմունքներում։ Ամենամեծ կուտակումներն արձանագրեցինք Կենտրոնական ու Արաբկիրի բաժանմունքներում: Արաբկիրում մարդիկ վաղ առավոտից էին եկել, հերթ պահել նախքան բաժանմունքի բացվելը, իրենք իրենց համար ցուցակ կազմել, որպեսզի դռները բացվելուց հետո, ըստ այդ ցուցակի, կտրոններ վերցնեն` ներս մտնելու հերթականությունը որոշելու համար։
Ավանի անձնագրային բաժանմունքում պատկերն ավելի հուսադրող էր․ հերթում շուրջ 2 տասնյակ քաղաքացիներ էին սպասում։ Նրանց խոսքով՝ 4 պատուհանից միայն երկուսն էր աշխատում:
Կուտակումների հետ կապված Ոստիկանության Հասարակայնության հետ կապի և լրատվության վարչությունից մեզ նոր պարզաբանում չտվեցին՝ վերահաստատելով նախկինում ասվածը, թե հիմնականում ամռան ամիսներին, սեզոնային առանձնահատկություններով պայմանավորված, կտրուկ մեծանում է անձնագիր ստանալու կամ փոխանակելու համար դիմողների քանակը և բաժանմունքներն աշխատում են գերծանրաբեռնված։ Բացի այդ, մեծացել են նաև ՀՀ քաղաքացու անձնագիր ստանալու /փոխանակելու/ համար ներկայացվող դիմումները, ավելացել է երկար ժամանակով Հայաստանում բնակվելու և աշխատելու նպատակով ՀՀ ժամանող օտարերկրացիների թիվը։
Մանրամասները՝ տեսանյութում։
Արփի Հակոբյան
