11.09.2026 | 10:07
Մեկնարկել է ՀՀ դպրոցականների շախմատի 20-րդ հոբելյանական օլիմպիադայի եզրափակիչ փուլը
Պուտինն ու Թրամփը կարող են հանդիպել մեկ ամսից
Քաղաքականություն
27.04.2017 | 12:39
ՌԴ նախագահ Վլադիմիր Պուտինն ու ԱՄՆ նախագահ Դոնալդ Թրամփը կարող են հանդիպել մեկ ամսից՝ մայիսի վերջերին։ Այս մասին լուրը հաստատել են երկու երկրների պետական կառույցների աղբյուրները. գրում է Kommersant-ը։
Երկու երկրների առաջնորդների հանդիպումը հնարավոր է կայանա մինչ Համբուրգում կայանալիք G20-ի գագաթնաժողովը։ Այժմ Մոսկվան ու Վաշինգտոնը քննարկում են մայիսի վերջին եվրոպական երկրներից մեկում հանդիպման հնարավորությունը։
Նշվում է, որ Թրամփը մայիսի 25-27-ը ծրագրում է այցելել Բրյուսել՝ մասնակցելու ՆԱՏՕ-ի գագաթնաժողովին և իտալական Տաորմինա՝ G7-ի գագաթնաժողովին մասնակցելու համար։ Դրանից հետո նա կարող է այցելել ևս մեկ երկիր, որտեղ կհանդիպի Պուտինին։
Երկրների առաջնորդների հանդիպման հարցը սկսել է մանրամասն դիտարկվել ԱՄՆ պետքարտուղար Ռեքս Թիլերսոնի մոսկովյան այցից հետո։
