«Ես դա համարում եմ շատ երկրորդական հարց»․ Զուրաբյանը՝ Տեր-Պետրոսյանի կողմից Փաշինյանին չշնորհավորելու մասին. ՏԵՍԱՆՅՈՒԹ

Լուրեր

26.05.2018 | 09:55
Տավուշի մարզպետը հեռանալուց առաջ հեքիաթային ծախս է արել «Հեքիաթին հյուր»-ի համար. «Ժողովուրդ»
26.05.2018 | 09:43
Հակոբ Հակոբյանը՝ Ճոյտը, իրեն պատկերացնում է միայն պատգամավորի կարգավիճակով. «Ժամանակ»
26.05.2018 | 09:31
Սամվել Ալեքսանյանը փուռն է գնում, ամենաշատ կալանավորվածները նրա ընկերություններից են. «Ժամանակ»
26.05.2018 | 09:17
Մարզպետները ոտ ու ձեռ ընկած Փաշինյանի հետ կոնտակտ են փնտրում. «Հրապարակ»
26.05.2018 | 09:05
Ավելի քան 145 դպրոց այս տարի շրջանավարտ չի ունեցել. «Փաստ»
26.05.2018 | 09:02
ՀՀԿ-ն` որպես միասնական կառույց, գոյություն չունի, մնացել են իրականությունից կտրված մի խումբ մարդիկ. «Ժամանակ»
25.05.2018 | 22:47
Կառավարական առանձնատանը հյուրընկալել ենք Տավուշի, Գեղարքունիքի, Վայոց ձորի սահմանապահ գյուղերի շրջանավարտներին. ՆԻկոլ Փաշինյան. ՏԵՍԱՆՅՈՒԹ
25.05.2018 | 20:50
Ապրիլ-մայիս ամիսներին տեղի ունեցած իրադարձություններից հետո Հայաստանը դարձել է օրինակելի պետություն. Ֆրանկոֆոնիայի ԳՔ գրասենյակի տնօրեն
25.05.2018 | 20:39
ԱԱԾ-ն հանցավոր սխեմա է բացահայտել.կան ձերբակալվածներ, հարցաքննվում են ՀՀ ՊԵԿ նախկին փոխնախագահներ
25.05.2018 | 20:27
Դուք կարող եք ակնկալել Միացյալ Թագավորության գործնական աջակցությունը. Թերեզա Մեյը՝ Նիկոլ Փաշինյանին
25.05.2018 | 20:16
Հայաստան կայցելի Ֆրանսիայի` Եվրոպայի և արտաքին գործերի նախարար Ժան-Իվ Լը Դրիանը
25.05.2018 | 20:04
Տարածքային կառավարումը իրավական ճգնաժամի մեջ է
25.05.2018 | 19:49
Գողացված բանկային քարտով գումար են կանխիկացրել
25.05.2018 | 19:38
Այն ինչ տեղի է ունեցել՝ մշակութային հեղափոխություն է. Փաշինյանը հանդիպել է մշակույթի գործիչների հետ
25.05.2018 | 19:33
ԵԽԽՎ համազեկուցողները դատախազությունից հետաքրքրվել են քրեական վարույթներով իրականացվող քննության ընթացքի հասարակական շրջանակներից ստացած ազդակներից
Բոլորը

ՀԱԿ փոխնախագահ Լևոն Զուրաբյանը Factor.am-ի հետ զրույցում ընդունում է, որ սխալվել է, երբ ընդամենը մոտ 1-1,5 ամիս առաջ մեր եթերում Սերժ Սարգսյանի 3-րդ ժամկետի դեմ պայքարողների առթիվ հայտարարեց՝ «ուզում են գնալ ճակատամարտի, երբ ճակատամարտն ավարտված է»։

«Իհարկե, այդ հարցում ես ընդունում եմ, որ մենք սխալ ենք դուրս եկել, որովհետև մենք նախկինում մի քանի անգամ փորձեցինք մոբիլիզացնել ժողովրդին, վերջնական արդյունքի չհասանք։ Հետո մեզ մոտ այնպիսի տպավորություն ստեղծվեց, որ այդքան մոբիլիզացիայի փորձերից հետո ժողովուրդը գտնվում է ապատիայի մեջ»,- ասաց ՀԱԿ ներկայացուցիչը՝ հավելելով, որ չնայած սխալվել են՝ կարծելով, որ ժողովրդի մոբիլիզացիա հնարավոր չէ, իրենք «շատ ճիշտ» են դուրս եկել հեղափոխությանը վերաբերող բազմաթիվ այլ հարցերում։

Ըստ Զուրաբյանի՝ Նիկոլ Փաշինյանը հեղափոխության «ակուշերն է», բայց հեղափոխությունը բոլորինս է։ «Սա մեր հեղափոխությունն է, բոլորինս է»,- ասաց ՀԱԿ ներկայացուցիչը՝ հավելելով, որ դրա արդյունքում մենք այսօր ունենք բոլորովին նոր, բարձր որակի ազգ և հասարակություն։ «Երեխան ծնվել է և նրա համար պետք է հոգ տանենք բոլորս»,- հավելեց Զուրաբյանը։

Հարցին, թե այդ դեպքում ինչու առաջին նախագահ և ՀԱԿ առաջնորդ Լևոն Տեր-Պետրոսյանն այդպես էլ չշնորհավորեց Նիկոլ Փաշինյանին՝ վարչապետ ընտրվելու կապակցությամբ, Զուրաբյանն ասաց․ «Ես դա համարում եմ շատ երկրորդական հարց։ ՀԱԿ բազմաթիվ ներկայացուցիչներ, այդ թվում ես՝ շնորհավորել ենք»։ Զուրաբյանը կարծում է, որ առաջին նախագահն ու ՀԱԿ-ը իրենց պաշտոնական հայտարարություններով «շատ ավելի մեծ ու կարևոր գործ են արել աջակցության առումով» քան, շնորհավորանքը։

Հարցին, թե ինչու Տեր-Պետրոսյանը ուղիղ ձևակերպումներով պաշտպանեց Նիկոլ Փաշինյանի տեսակետները՝ ԼՂ-ի առթիվ՝ հակադարձելով նախկին Պնախարար Վիգեն Սարգսյանի դիտարկումներին, ՀԱԿ փոխնախագահն ասաց․ «Տեր-Պետրոսյանը ԼՂ հարցում Փաշինյանի տեսակետների պաշտպանությամբ հանդես եկավ, որովհետև դա իր տեսակետն է»։

Այժմ ՀԱԿ-ն իր դերը տեսնում է ապագա քաղաքական դաշտում Փաշինյանի ղեկավարած իշխանությանը հակակշիռ դառնալու մեջ, որպեսզի քաղաքական մոնոպոլիա չստեղծվի և ժողովրդավարությունը իրականանա։ Ինչպես նաև, որ ՀՀԿ-ն միակ հակակշիռ չդառնա ու ռևանշի շանս չունենա։

Ինչ վերաբերում է այսօր Սոչիում կայացած Փաշինյան-Պուտին հանդիպմանը, ՀԱԿ փոխնախագահը շեշտեց, որ հայ-ռուսական հարաբերություններում ալտերնատիվ քաղաքականություն գոյություն չունի, սակայն այսօր պոտենցիալը կա, որ Նիկոլ Փաշինյանը կարող է շատ ավելի հստակ առաջ տանել Հայաստանի շահերը։ «Հայաստանի ղեկավարի ժողովրդական աջակցությունը շատ կարևոր հանգամանք է»,- շեշտեց նա։

Հարցին, թե իրատեսական է ակնկալիքը, որ մենք կկարողանանք դուրս գալ Ռուսաստանի ֆորպոստի կարգավիճակից, Զուրաբյանն ասաց․ «Չեմ էլ կարծում, որ Հայաստանը երբևէ հենց ֆորպոստի կարգավիճակում է գտնվել։ Ֆորպոստի կարգավիճակ չի եղել, եղել է ոչ լեգիտիմության խնդիր, որը Սերժ Սարգսյանին և Ռոբերտ Քոչարյանին դրել է մի քիչ վասալի կարգավիճակում, քանի որ նրանք նաև այդ հարաբերություններում ստիպված են եղել լուծել սեփական լեգիտիմության խնդիրը։ Դա վնասել է Հայաստանի շահերին»։   

Մանրամասները դիտեք Լևոն Զուրաբյանի հետ Factor.am-ի հարցազրույցում։

 

Մարինե Խառատյան