02.07.2026 | 18:00
Վճռականորեն ասում եմ` երկաթուղին ՀՀ սեփականությունն է և պետք է ծառայի մեր շահերին. Փաշինյան․ ՏԵՍԱՆՅՈՒԹ
Ռուս ընդդիմադիր քաղաքական գործիչ Անդրեյ Պիվովարովը դատապարտել է չորս տարվա ազատազրկման
Քաղաքականություն
15.07.2022 | 22:59
Կրասնոդարի դատարանը «Բաց Ռուսաստան»-ի նախկին գործադիր տնօրեն, ընդդիմադիր գործիչ Անդրեյ Պիվովարովին դատապարտել է չորս տարվա ազատազրկման՝ «անցանկալի կազմակերպության հետ համագործակցելու մեղադրանքով»։ Դատախազությունը նրա համար հինգ տարի ազատազրկում էր պահանջել, գրում է BBC-ի ռուսական ծառայությունը։
Կրասնոդարի Լենինյան շրջանային դատարանը Պիվովարովին չորս տարվա ազատազրկման է դատապարտել ՝ Ռուսաստանի Դաշնության Քրեական օրենսգրքի 284.1-րդ հոդվածով առաջադրված մեղադրանքով՝ ութ տարի ժամկետով հասարակական և քաղաքական գործունեության արգելքով: Անդրեյ Պիվովարովի պաշտպանական կողմը հայտարարել է, որ բողոքարկելու են դատավճիռը։
Ըստ քննիչների՝ Պիվովարովը ղեկավարել է «Բաց Ռուսաստանը», որը երկրի իշխանությունների կողմից ճանաչվել է անցանկալի կազմակերպություն։ Նա կալանքի տակ է 2021 թվականի հունիսից։ «Կարող եք մտածել, որ պետությունը պայքարում է փոքր խմբի՝ մարգինալների դեմ, բայց իրականում պայքարն ապագայի դեմ է»,- իր եզրափակիչ ելույթում ասել է Պիվովարովը։
«Ես սիրում եմ իմ երկիրը և հավատում եմ, որ այն արժանի է ապագային, առաջ շարժվելուն և ոչ թե դեպի անցյալ սահելուն»,- ասել է նա։
Տաթև Ֆռանգյան
