26.11.2024 | 10:53
Լարսը փակ է բեռնատարների համար
ՌԴ Պետդումայի արտահերթ նիստի ժամանակ հաստատվել է նոր փոխվարչապետի թեկնածությունը
Քաղաքականություն
15.07.2022 | 22:12
Ռուսաստանի Պետդուման հաստատել է Դենիս Մանտուրովին արդյունաբերության և առևտրի փոխվարչապետի պաշտոնում։ Նրա թեկնածության օգտին ՌԴ խորհրդարանի ստորին պալատի այսօր կայացած արտահերթ նիստում քվեարկել է 394 պատգամավոր, գրանցվել է ընդամենը 1 ձեռնպահ, փոխանցում է DW-ի ռուսական ծառայությունը։
Փոխվարչապետի նոր պաշտոնը ներկայացվել է երեք օր առաջ՝ հուլիսի 12-ին։ ՌԴ նախագահ Վլադիմիր Պուտինի հրամանագրով արդյունաբերության և առևտրի նախարարն իր պաշտոնը համատեղելու է փոխվարչապետի պաշտոնի հետ։ Նույն օրը վարչապետ Միխայիլ Միշուստինը Պետդումայի քննարկմանն է ներկայացրել Մանտուրովի թեկնածությունը։
Հուլիսի 14-ին Միշուստինը կառավարության կառուցվածքում այս պաշտոնի ներդրումը բացատրել է Մոսկվայի դեմ աննախադեպ պատժամիջոցների պայմաններում արագ որոշումներ կայացնելու անհրաժեշտությամբ։
Դենիս Մանտուրովը Ռուսաստանի Դաշնության կառավարությունում աշխատում է 2007 թվականից, 2012 թվականից՝ արդյունաբերության և առևտրի նախարար է եղել։ Պետդուման արտահերթ նիստում կողմ է քվեարկել նաև մի շարք օրինագծերի։ Մասնավորապես առաջին ընթերցմամբ օրինագիծ է ընդունվել ԱԴԾ այն աշխատակիցներին պատերազմի վետերան ճանաչելու մասին, ովքեր «հատուկ ռազմական օպերացիայի ժամանակ հետ են մղել ՌԴ տարածք զինված ներխուժումը»։
Տաթև Ֆռանգյան
