20.11.2024 | 14:35
Շոու է, որով ապահովում է իր նվազող ռեյտինգը․ Նինա Կարապետյանցը՝ պաշտոնանկությունների մասին․ ՏԵՍԱՆՅՈՒԹ
Ուկրաինան ՌԴ-ին մեղադրել է ցորենի ցանքատարածքները հրկիզելու մեջ
Քաղաքականություն
08.07.2022 | 18:43
Ուկրաինայի իշխանությունները հայտնում են, որ ռուս զինվորականները հրետակոծում են Դնեպրոպետրովսկի և Զապորոժիեի շրջանները և միտումնավոր հրկիզում ցորենի ցանքատարածությունները, գրում է BBC-ի ռուսական ծառայությունը։
Դնեպրի մարզային խորհրդի նախագահ Նիկոլայ Լուկաշչուկի խոսքով՝ այնտեղ այրվում են ցորենի դաշտեր՝ ռուսական բանակի կողմից Զապորոժիեի շրջանի գնդակոծության հետևանքով։
Ակտիվիստ Իգոր Լուցենկոն լուսանկարներ է հրապարակել հացահատիկի դաշտում բռնկված հրդեհից։
«Ռուսները վառում են մեր հացը։ Հատուկ լիցք՝ բնորոշ ձայնով օդում թռչում է, պայթում, վառվող բեկորները կամաց-կամաց ընկնում են գետնին։ Դրանից վառվում է դաշտը»,- գրել է նա։
Ըստ Լուցենկոյի՝ բոցերի բարձրությունը երբեմն հասնում է 5 մետրի, իսկ կրակի գիծը հարյուրավոր մետր տարածվում է ճակատի երկայնքով։
Տաթև Ֆռանգյան
