08.06.2026 | 17:56
120 ձայն հետ է եկել` մեր հաշվարկներով, վերահաշվարկ ենք պահանջել․ Արման Աբովյան․ ՏԵՍԱՆՅՈՒԹ
Ճապոնիայի նախկին վարչապետի մարդասպանը պատմել է հանցագործության շարժառիթների մասին
Քաղաքականություն
08.07.2022 | 19:14
Ճապոնիայի ռազմածովային ուժերի վետերան Տեցույա Յամագամին, որը ձերբակալվել է Ճապոնիայի նախկին վարչապետ Սինձո Աբեի սպանության կասկածանքով, ասել է, որ կրակել է Աբեի վրա, քանի որ շատ հիասթափված է քաղաքական գործչի աշխատանքից, հայտնում է Daily Mail-ը։
Նշվում է, որ ինքնաշեն հրազենով սպանության փորձ կատարելու կասկածանքով դեպքի վայրում ձերբակալվել է ռազմածովային ուժերի վետերան, 41-ամյա Տեցույա Յամագամին։
Ականատեսները պատմել են, որ Աբեն պատրաստվում էր սկսել իր ելույթը, երբ Յամագամին մոտեցել է նրան թիկունքից և երկու կրակոց արձակել, որոնցից երկրորդը դիպել է նախկին վարչապետին։
Աբեի անվտանգության աշխատակիցներից մի քանիսը բռնել են Յամագամին, իսկ մյուսները փորձել են օգնություն ցուցաբերել քաղաքական գործչին՝ նախքան նրան ուղղաթիռով հիվանդանոց տեղափոխելը:
Տաթև Ֆռանգյան
