07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Հայկ Աբրահամյանը՝ բրոնզե մեդալակիր. Մ20 ԵԱ
03.07.2022 | 20:27
Հռոմում ընթացող ազատ ոճի ըմբշամարտի մինչև 20 տարեկանների Եվրոպայի առաջնությունում 61 կգ քաշային Հայկ Աբրահամյանը 12-2 հաշվով հաղթել էր Ֆինլանդիայի ներկայացուցիչ Ակսելի Էրկոլային: Քառորդ եզրափակչում հայ ըմբիշը պարտվել էր վրացի Դավիդ Աբդալաձեին (3-3), և քանի որ վերջինս հասել էր եզրափակիչ, Հայկը սփոփիչ գոտեմարտի հնարավորություն էր ստացել:
Սփոփիչ գոտեմարտում Աբրահամյանը, 12-0 հաշվով ջախջախելով բուլղարացի Հուսեին Դինչեր Իբրահիմին, իրավունք ստացավ Ռումինիայի ներկայացուցիչ Դանիել Մարիան Սանդուի հետ վիճարկել բրոնզե մեդալը:
Ինչպես փոխանցում է vnews.am-ը, 3-րդ տեղի համար պայքարում նույնպես հայ ըմբիշի առավելությունը բացահայտ էր: Աբրահամյանը հաղթեց 8-3 հաշվով ու արժանացավ բրոնզե մեդալի:
