12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Դավաճանական ցանց ունենք, որ նույնիսկ իմ՝ կաբինետից դուրս գալու ու ԱԺ մտնելու մասին էլ է թշնամին իմանում․ Արայիկ Հարությունյան․ Արայիկ Հարությունյան․ ՏԵՍԱՆՅՈՒԹ
Քաղաքականություն
30.06.2022 | 17:51
«Նոյեմբերի 9-ի հայտարարության որևէ կետ Ադրբեջանը չի կատարել՝ կանգնել այդ պահի դրությամբ տեղերում, գերիների և այլ պահվող անձանց վերադարձ, իսկ ՀՀ իշխանությունները բոլոր կետերն անշեղորեն կատարել են՝ դեռ մի բան էլ ավելի: 6-րդ կետի իրագործել կամ չիրագործելը մեր միակ հաղթաթուղթն է: Եթե ԱՀ իշխանության հետ բոլոր հարցերը համաձայնեցվում են, ինչպես Նիկոլ Փաշինյանն է փաստում, ապա ի՞նչն է խանգարում ձեզ՝ կասեցնել 6-րդ կետի իրագործումը, քանի դեռ Ադրբեջանի իշխանությունները չեն կատարել եռակողմ հայտարարությամբ իրենց ամրագրված պարտավորությունները»,- Արցախի Ազգային ժողովում դիմելով ԱՀ նախագահ Արայիկ Հարությունյանին՝ այս հարցն ուղղեց «Արդարություն» ընդդիմադիր խմբակցության պատգամավոր Դավիթ Գալստյանը՝ հավելելով, որ նոյեմբերի 9-ը դատավճիռ չէ, և եթե մի կողմին կարելի է բոլոր կետերի խախտում, ինչո՞ւ մյուս կողմին չի կարելի մեկ կետի կասեցում. արդյոք խնդիրը բանակցողի՞ մեջ է:
«Մենք չենք ասում՝ այդ կետը կատարել ենք: Ես նշեցի՝ դեռ ընթանում են շինարարական աշխատանքներ, երբ կավարտվեն շինարարական աշխատանքները՝ դրանից հետո, մենք կարող ենք մեր կարծիքն ասել»,- պատասխանեց Արայիկ Հարությունյանը:
Նրա խոսքով՝ եթե մայրուղին պետք է փոխվի, ապա կառուցվող մայրուղին գնում է այն տարբերակով, որը ԱՀ Անվտանգության խորհրդով հաստատվել է:
«ժամանակը կգա և ոչ այս դահլիճում մենք կքննարկեն՝ ո՞ր ճանապարհն է մեզ համար լինելու ավելի անվտանգ, ինչը պետք է լինելու մեր հայրենակիցներին»,- նշեց Հարությունյանը՝ կարծիք հայտնելով, որ նոր ճանապարհն անվտանգային առումով ավելի ապահով է լինելու, քան գործողը:
«Բերձորը մենք պիտի շրջանցենք: Կարող ենք հրաժարվել վեցերորդ կետից, բայց քննարկում ենք նաև հետևանքները»,-ընդգծեց ԱՀ նախագահը:
«Ուզում եք ներկայացնե՞մ՝ որտեղ ի՞նչ ենք կառուցելու անվտանգային առումով: Մենք ունենք խնդիր այսօր. այնպիսի դավաճանական ցանց ունենք մեր երկրում, որ ընդհուպ իմ՝ կաբինետից դուրս գալն ու ԱԺ մտնելն են ադրբեջանցիներն իմանում տվյալ վայրկյանին: Եվ ոչ միայն իմ՝ շատ-շատերինդ, ով հետաքրքիր է իրենց: Ուզում եք՝ ամբողջ աշխարհով մեկ ներկայացնել՝ թե ինչո՞ւ ենք այդ ճանապարհն ընտրել: Հավաքվենք, որոշենք, ասենք չենք ընտրում այդ ճանապարհը, բայց հետևանքների համար միասին ենք պատասխան տալու, մեր երկրի ավելի քան 120 հազար բնակչի ճակատագրի մասին էլ պիտի մտածենք»,- նշեց Հարությունյանը:
Մանրամասները՝ տեսանյութում:
