09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Human Rights Watch-ը պահանջում է հետաքննել Կրեմենչուկի առևտրի կենտրոնի ռմբակոծությունը՝ որպես «պոտենցիալ ռազմական հանցագործություն»
Քաղաքականություն
30.06.2022 | 16:15
Ուկրաինայի կենտրոնական Կրեմենչուկ քաղաքի առևտրի կենտրոնի ռմբակոծությունը «պետք է հետաքննվի որպես հնարավոր ռազմական հանցագործություն»։ Այս մասին հայտարարել է միջազգային իրավապաշտպան Human Rights Watch կազմակերպությունը (HRW), գրում է CNN-ը։
Հրապարակված զեկույցում կազմակերպության Ուկրաինայի ավագ գիտաշխատող Յուլիա Գորբունովան հավելել է, որ «եթե Ռուսաստանի իշխանությունները դա չանեն, Միջազգային քրեական դատարանը և այլ հետաքննող մարմինները պետք է անեն»։
HRW-ը զեկույցը պատրաստելիս զրուցել է 15 մարդու հետ, որոնց թվում են վիրավորները, բժիշկները, կենտրոնի աշխատակիցները, այլ ականատեսներ և տեղական պաշտոնյաներ:
Գորբունովան նշել է, որ «Կրեմենչուկի խաղաղ բնակիչները, որոնք նման կորուստ են կրել հունիսի 27-ի հրթիռակոծությունից, արժանի են արդարադատության»։
«Պետք է մանրակրկիտ հետաքննություն լինի, և մեղավորները պետք է պատասխանատվության ենթարկվեն»,- ասել է նա։
Էմմա Չոբանյան
