15.09.2026 | 09:45
Արտարժույթների փոխարժեքները՝ սեպտեմբերի 15-ի դրությամբ
Շվեդիայի վարչապետը հայտարարել է, որ երկիրն իր քաղաքացիներին չի արտահանձնելու Թուրքիային
Քաղաքականություն
30.06.2022 | 15:16
Շվեդիայի վարչապետ Մագդալենա Անդերսոնը հայտարարել է, որ Քուրդիստանի աշխատավորական կուսակցության (PKK) անդամների արտահանձնման հարցում իշխանությունները հետևելու են ազգային օրենսդրությանն ու միջազգային նորմերին և չեն արտահանձնելու Շվեդիայի քաղաքացիերին, գրում է ՌԻԱ Նովոստին։
«Թուրքիան խնդրում է արտահանձնման մասին, սակայն ինչպես նախկինում՝ Շվեդիայում մենք, իհարկե, հետևում ենք շվեդական օրենսդրությանն ու միջազգային կոնվենցիաներին, երբ խոսքը գնում է արտահանձնման մասին։ Ես այսօր շատ հստակ հայտարարել եմ՝ մենք երբեք չենք արտահանձնի նրան, ով Շվեդիայի քաղաքացի է։ Եթե դուք ներգրավված չեք ահաբեկչական գործունեության մեջ, ապա անհանգստանալու ոչինչ չկա»,- ասել է Անդերսոնը CNN-ին տված հարցազրույցում։
Հավելենք, որ Թուրքիայի արդարադատության նախարար Բեքիր Բոզդաղը նախօրեին հայտարարել էր, որ Անկարան Շվեդիայից ու Ֆինլանդիայից սպասում է 33 անձի՝ «ահաբեկչության մեկ կասկածվող քրդերի և գյուլենականների արտահանձնմանը», որոնց հարցով վաղուց է դիմել այդ երկրներին։
Էմմա Չոբանյան
