19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ԱՄՆ-ը «նշաններ չի տեսնում», որ ուկրաինական պատերազմը կարող է ավարտվել մինչև տարեվերջ
Քաղաքականություն
30.06.2022 | 15:05
Ուկրաինայի դեմ Ռուսաստանի պատերազմը կարող է ավարտվել մեկ օրում, սակայն ՌԴ առաջնորդ Վլադիմիր Պուտինը մտադիր է շարունակել հարձակումները։ Այս մասին Bloomberg-ին տված հարցազրույցում ասել է ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
Քիրբին այսպես է պատասխանել հարցին՝ արդյո՞ք Ուկրաինայի նախագահ Վլադիմիր Զելենսկիի ակնկալիքները, որ պատերազմը մինչև այս տարեվերջ կավարտվի, իրականություն կդառնան։
«Մենք կցանկանայինք, որ պատերազմն ավարտվեր այսօր: Եվ այն կարող է ավարտվել այսօր, եթե Պուտինը ճիշտ վարվի: Բայց Պուտինը բանակցություններ վարելու մտադրություն չի ցուցաբերում: Նա Ուկրաինայի վրա հարձակումները շարունակելու և ռազմական նպատակներին հասնելու մտադրություն է ցուցաբերում»,- ընդգծել է պաշտոնյան:
Նա վստահեցրել է, որ Վաշինգտոնը կշարունակի օգնել Կիևին՝ պաշտպանությունն ուժեղացնելու համար։
Ավելի վաղ Միացյալ Նահանգների ազգային հետախուզության տնօրեն Ավրիլ Գեյնսը հայտարարել էր, որ Ռուսաստանի Դաշնության նախագահը մտադիր է գրավել «Ուկրաինայի մեծ մասը»։
Տաթև Ֆռանգյան
