17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
ՌԴ-ն իր զորքերը դուրս է բերել Զմեինի կղզուց․ ՌԴ ՊՆ
Քաղաքականություն
30.06.2022 | 13:11
Ռուսաստանի Պաշտպանության նախարարության հաղորդմամբ՝ «ՌԴ-ն, որպես բարի կամքի ժեստ, դուրս է բերել իր զորքերը Զմեինի կղզուց», փոխանցում է ՌԻԱ Նովոստին։
«Այսպիսով, համաշխարհային հանրությանը ցույց է տրվել, որ Ռուսաստանի Դաշնությունը չի միջամտում Ուկրաինայի տարածքից գյուղմթերքի արտահանման համար մարդասիրական միջանցք կազմակերպելու՝ ՄԱԿ-ի ջանքերին»,- նշել են ՌԴ պաշտպանական գերատեսչությունից։
Նշվում է նաև, որ նման քայլը Կիևին կզրկի պարենային ճգնաժամի խնդիրը շահարկելու հնարավորությունից՝ թաքնվելով ռուսական զորքերի վերահսկողության պատճառով հացահատիկի արտահանման «անհնարինության» հետևում։ ՌԴ Պաշտպանության նախարարությունը հավելել է, որ հիմա մատակարարումները վերսկսելու համար ուկրաինական կողմը պետք է մաքրի Սև ծովի ափը, ներառյալ՝ նավահանգստային ջրերը։
Ավելի վաղ ուկրաինական կողմը հայտարարել էր Ուկրաինայի զինված ուժերի կողմից հերթական հարձակումից հետո Զմեինի կղզուց ռուսների հեռանալու մասին։
Տաթև Ֆռանգյան
