07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
1,5 տարի ունենք Բերձորի բնակիչների և ճանապարհի խնդիրը լուծելու համար. Արմեն Գրիգորյան․ ՏԵՍԱՆՅՈՒԹ
Քաղաքականություն
30.06.2022 | 12:35
«Բերձորի, Աղավնոյի հետ կապված հարցերը, նոյեմբերի 9-ից սկսած, քննարկել ենք Արցախի մեր գործընկերների հետ»,- այս մասին այսօր Կառավարության նիստից հետո լրագրողների հետ ճեպազրույցում հայտարարեց ՀՀ անվտանգության խորհրդի քարտուղար Արմեն Գրիգորյանը։
Նրա խոսքով՝ Արցախի իշխանություններն այս մասով աշխատանքներ են տանում, և սրա մասին նաև հրպարակային խոսել են:
«Մենք դեռ ժամանակ ունենք և՛ ճանապարհի մասով, և՛ բնակիչների համար լուծումներ գտնելու, մոտավորապես 1,5 տարի ունենք, Արցախի կառավարության հետ կաշխատենք ու լուծումներ կգտնենք»,- վստահեցրեց Անվտանգության խորհրդի քարտուղարը:
Գրիգորյանի խոսքով՝ երբ փորձել են առաջ տանել խաղաղության օրակարգը, խոսել են հնարավոր խնդիրների մասին. «Այնպես չէ, որ երբ խոսել ենք խաղաղության օրակարգի մասին, մտածել ենք, թե ամեն ինչ շատ հեշտ է լինելու: Մենք գիտենք դրա դժվարությունների մասին, բայց նաև հասկանում ենք, որ որպեսզի կարողանանք մեր տարածաշրջանում երկարաժամկետ անվտանգություն ապահովել, անվտանգության երաշխիքների հնարավոր տարբերակը խաղաղության օրակարգն է։ Մենք շարունակելու ենք աշխատել այս ուղղությամբ, բայց նաև հասկանում ենք, որ միայն Հայաստանից չէ դա կախված, և նաև դա է պատճառը, որ աշխատում ենք միջազգային բոլոր գործընկերների հետ, որպեսզի խաղաղության օրակարգն առաջ տանենք»,- նշեց Գրիգորյանը։
Մանրամասները՝ տեսանյութում:
