28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
Լոնդոնը Ուկրաինային ևս 1 մլրդ ֆունտի ռազմական օգնություն կտրամադրի
Քաղաքականություն
30.06.2022 | 11:25
Մադրիդում ՆԱՏՕ-ի գագաթնաժողովի առաջին օրվա ավարտին Բրիտանիան հայտարարել է ևս 1 միլիարդ ֆունտ սթեռլինգի չափով (1,2 միլիարդ դոլար) օգնության մասին՝ Ուկրաինայի զինված ուժերին ռուսական ագրեսիան հետ մղելու համար աջակցելու նպատակով, փոխանցում է BBC-ի ռուսական ծառայությունը։
«Բրիտանական զենքը, տեխնիկան և ռազմական ուսուցումը փոխում են Ուկրաինայի պաշտպանությունն այս ներխուժումից։ Եվ մենք կշարունակենք ամուր կանգնել ուկրաինացի ժողովրդի կողքին՝ ապահովելու Պուտինի պարտությունը Ուկրաինայում»,- ասել է Մեծ Բրիտանիայի վարչապետ Բորիս Ջոնսոնը:
Հաղորդվում է, որ հատկացված միջոցները կօգտագործվեն ուկրաինական բանակի մարտունակության ամրապնդման համար՝ ներառյալ հակաօդային պաշտպանության համակարգերը, անօդաչու սարքերը, էլեկտրոնային պատերազմի նորագույն սարքավորումները, ինչպես նաև ուկրաինացի զինվորականների համար հազարավոր միավոր սարքավորումները։
Այսպիսով, այս տարվա սկզբից Բրիտանիայի կողմից Ուկրաինային տրամադրվող տնտեսական և ռազմական օգնության ընդհանուր ծավալը կկազմի 3,8 մլրդ ֆունտ (4,6 մլրդ դոլար)։
Տաթև Ֆռանգյան
